«Չեմ պատրաստվում մուծել նման աստղաբաշխական թվեր». դերասանի հորը տուգանել են

Դերասան Մայիս Համբարձումյանն իր ֆեյսբուքյան էջում գրել է. «Հարգարժան պ. վարչապետ Նիկոլ Փաշինյան, պարետ Տիգրան Ավինյան, հայրս տնից դուրս է եկել շատ արագ՝ մոռանալով «տեղաշարժի թերթիկ» ասվածը, բայց ունենալով անձը հաստատող փաստաթուղթ, ուղևորվել է դեպի հիվանդանոց։ Ճանապարհին Ձեր աշխատակիցը տուգանել է 100.000 դրամ վարչական տուգանք:
     Հիմա հարց.
     1. Ինչպե՞ս վճարեմ այդ գումարը, երբ չեմ աշխատում մարտի 14-ից սկսած մինչ օրս,
     2. Տանն ունեմ 10 տարեկան եղբայր, բայց Ձեր ասված միանվագ չնչին 26.500 դրամը հասանելի չէ իրեն,
     3. Ես ինքս չգրանցված աշխատող եմ հանդիսանում, որովհետև, ներեցե՛ք, բայց դերասանները երկար ժամանակ գումար են աշխատում կամ ֆիլմերում նկարահանվելով՝ 1 ամիս կամ 2 ամիս տևողությամբ։ Թատրոններում մեկ ներկայացման համար էլ վարձատրվում է 3000 դրամ։
     4. Կամ 68.000 դրամ գումար եք տրամադրում 1 քաղաքացուն՝ 2 ամիս տանը նստեցնելով, 4 անձից բաղկացած ընտանիքին, որովհետև մեկն է գրանցված եղել: Մնացած հաստատություններն էլ չեն գրանցում, որ խուսափեն բարձր հարկերի վճարումներից:
     Հ.Գ. Կարող եք չպատասխանել, իսկ ես էլ չեմ պատրաստվում մուծել նման աստղաբաշխական թվեր, հետո էլ նստեմ մատս բերանումս մտածեմ, թե՝ հաց ո՞նց եմ առնելու կամ մինչև մայիսի 14-ը ո՞նց եմ ձգելու: Աստված կանչելով, որ ամեն ինչ վերանա, որ բոլորս աշխատենք և էլի ծերը ծերին հասցնենք: Հետո էլ նստենք երեկոյան հեռուստացույցի առաջ ու լսենք նախկին իշխանությունների կերած ու պահած  MILLION's պատմությունը»։