Ծիտ Արմենը դուրս է եկել ԲՀԿ-ից ( ՏԵՍԱՆՅՈՒԹ )

Այսօր կայացած ավագանու նիստի ժամանակ քաղաքապետ Տարոն Մարգարյանը հայտարարեց, որ ավագանու «Բարգաված Հայաստան» խմբակցության 3 անդամ դիմում են ներկայացրել խմբակցության կազմից դուրս գալու վերաբերյալ: Քաղաքապետը նաև հայտարարեց, որ այդ անձինք կշարունակեն իրենց գործունեությունը ավագանու կազմում:

ԲՀԿ խմբակցությունից դուրս եկած Արմեն Սահակյանը, ով հայտնի է Ծիտ Արմեն մականունով, «Առաջին լրատվական»-ի հետ զրույցում ասաց, որ դա իր անձնական որոշումն է եղել, բայց կա նաև Ծառուկյանի ֆակտորը: «Ծառուկյանը ինձ չի հրահանգել: Մի մոռացեք, որ ես 9 տարի աշխատել եմ ԲՀԿ-ում Ծառուկյանի հետ: Բայց, այո, նրա ֆակտորն էլ կա. եթե Ծառուկյանը դուրս է եկել կուսակցությունից, ես էլ եմ դուրս եկել նաև կուսակցությունից»,- ասաց նա:

Սահակյանը նշեց, որ իրեն ԲՀԿ-ի «նոր քաղաքականությունն այնքան էլ հոգեհարազատ չէ»:

Սահակյանն անկախ օրենքի բացից՝ հայտարարեց, որ ինքը կարող է լինել ավագանու անկախ անդամ և շարունակել ներկայացնել «ժողովրդի ձայնը»:

Մեր հարցին՝ հնարավո՞ր է, որ անդամակցի ավագանու ՀՀԿ խմբակցությանը, Սահակյանը նախ՝ մեր հարցը պրովոկացիոն որակեց, ապա նշեց, որ իր դիմումում նշել է՝ ինքը անկախ է լինելու: