Ցմահի փոխարեն 4 տարվա ազատազրկում. կնոջը սպանելու գործով մեղադրանքը մեղմացվել է

Դանակի 21 հարվածով կնոջը՝ Դիանա Նահապետյանին սպանելու մեջ մեղադրվող Վոլոդյա Մուրադյանին առաջադրված մեղադրանքը մեղմացվել է, քանի որ կրկնակի դատահոգեբանական եւ դատահոգեբուժական փորձաքննությունը պարզել է, որ ամբաստանյալը արարքը կատարելու պահին եղել է կումուլյատիվ աֆեկտի՝ ժամանակի ընթացքում կուտակված բացասական հույզերի պոռթկման վիճակում: Այս մասին NEWS.am-ի հետ զրույցում ասաց տուժողի իրավահաջորդի ներկայացուցիչ Նարինե Մկրտչյանը:

Պաշտպանի խոսքով` մեղադրող դատախազն այս անգամ մեղադրանք է առաջադրել Քրեական օրենսգրքի 105-րդ հոդվածի 1-ին մասով, այն է` հանկարծակի առաջացած հոգեկան խիստ հուզմունքի վիճակում կամ տուժողի դրսեւորած հակաիրավական կամ հակաբարոյական պարբերական վարքագծի կապակցությամբ առաջ եկած երկարատեւ հոգեճնշող վիճակում կատարված սպանություն, որը պատժվում է ազատազրկմամբ՝ առավելագույնը 4 տարի ժամկետով:

Նաիրա Մկրտչյանը նշեց, որ ինքը եւ իր պաշտպանյալը հանաձայն չեն փոփոխված մեղադրանքի հետ. «Համաձայն չենք առաջադրված նոր մեղադրանքին, որովհետեւ չեմ կարծում, որ նա հոգեկան խիստ հուզմունքի վիճակում է եղել: Նա կաշկանդված է եղել եզրակացությամբ»:

Վոլոդյա Մուրադյանը հաստատել է, որ կնոջն ինքն է սպանել, սակայն անգիտակցաբար:

Մանրամասները՝news.am-ում