Դատավորը միայն մեկ տարի հետո է նկատել, որ չի կարող գործը քննել

Փաստինֆոն գրում է. 
Սյունիքի աղմկահարույց, այն է՝ առանձին պաշտոնատար անձանց կողմից կեղծ ապացույցներ ստեղծելու գործով նախագահող դատավոր Դավիթ Գրիգորյանին մեկ տարուց ավելի ժամանակ էր պետք՝ հասկանալու համար, որ առկա են ինքնաբացարկի հիմքեր: Նշենք, որ դատական քննությունը նշանակվել էր 2013թ. հոկտեմբերի 09-ին, իսկ ինքնաբացարկն ընդունվել է 2014թ. դեկտեմբերի 29-ին:

Դատավորը փաստել է, որ իր վարույթում գտնվող Գրիգոր Պապյանի սպանության բուն գործով դատարանը 22.12.2014թ կայացրել է մեղադրական դատավճիռ, համաձայն որի՝ Սահակ Սահակյանը մեղավոր է ճանաչվել ՀՀ քրեական օրենսգրքի 104-րդ հոդվածի 2-րդ մասի 7-րդ կետով՝ մի խումբ անձանց կամ կազմակերպված խմբի կողմից սպանություն, և ՀՀ քրեական օրենսգրքի 258-րդ հոդվածի 4-րդ մասով՝ զենքի կամ որպես զենք օգտագործվող առարկաների գործադրմամբ կատարված խուլիգանություն, և դատապարտվել ազատազրկման՝ 13 տարի ժամկետով:

Գևորգ Թոսունյանը մեղավոր է ճանաչվել ՀՀ քրեական օրենսգրքի 104-րդ հոդվածի 2-րդ մասի 7-րդ կետով և ՀՀ քրեական օրենսգրքի 258-րդ հոդվածի 3-րդ մասի 1-ին կետով՝ մի խումբ անձանց կամ կազմակերպված խմբի կողմից կատարված խուլիգանություն, դատապարտվել 12 տարվա ազատազրկման:

Վիլեն Գրիգորյանը մեղավոր է ճանաչվել ՀՀ քրեական օրենսգրքի 104-րդ հոդվածի 2-րդ մասի 7-րդ կետով և դատապարտվել ազատազրկման 10 տարի ժամկետով:f

մանրամասները` սկզբնաղբյուրում