Դավիթաշենի կամրջից քաղաքացի է ցած նետվել

Ըստ ՀՀ արտակարգ իրավիճակների նախարարության պաշտոնական կայքէջի՝ նոյեմբերի 9-ին, ժամը 09.59-ին տեղեկատվություն է ստացվել, որ Դավիթաշենի կամրջից քաղաքացի է ցած նետվել:

Դեպքի վայր են մեկնել մեկ մարտական հաշվարկ և ՃԿԿ օպերատիվ խումբը:

Դեռևս չբացահայտված հանգամանքներում «Օպել» մակնիշի 34 PV 934 պետհամարանիշի ավտոմեքենայի վարորդը (ավտոմեքենան պատկանում է «Նարեկ» տաքսի ծառայությանը) կայանելով ավտոմեքենան կամրջի հարևանությամբ նետվել է կամրջից:

Հրշեջ-փրկարարները և շտապօգնության աշխատակիցները դին մոտեցրել են շտապօգնության ավտոմեքենային: