«Էլեկտրիկ Երևանից» դեպի ԱԺ

Քաղաքացիական ակտիվ կյանքից դեպի քաղաքական ակտիվ կյանք կարծես մեկ քայլ է։ Ձեզ ճանաչում են, ձեզ սիրում են, և ամենակարևորը՝ դուք դեռ թաթախված չեք քաղաքական ինտրիգների մեջ։ Թեպետ Ազգային ժողովի ընտրություններին ակտիվիստների մասնակցությունը որպես «թեկնածուների» այդքան էլ մեծ չէ, այնուամենայնիվ hraparak.am-ը ներկայացնում է նրանց։

«Ոչ թալանին» նախաձեռնությունը, որը «տոկի տվեց» մեր փոքրիկ քաղաքին և իր բնակիչներին, բազմաթիվ երիտասարդների ճանաչելի դարձրեց մեզանում, սակայն միայն 5 անձինք են, որոնք երևի թե «տոկի կտան» մեր Ազգային ժողովը։ Վաղինակ Շուշանյանը դեռ անցյալ տարի հայտարարում էր, թե մոտակա 20-25 տարիների ընթացքում իրեն չենք տեսնի որևէ կուսակցության շարքերում։ «Ոչ թալանին» քաղաքացիական նախաձեռնության համակարգող խմբի նախկին անդամը, ինչպես հիշում եք, սահմանադրական հանրաքվեի քարոզարշավի ժամանակ միացել էր «Ոչ»-ի քարոզին և մասնակցում էր ռեալիթի շոուին: «Կարծում եմ մոտակա 20-25 տարվա ընթացքում չեք տեսնի ինձ որևէ կուսակցությունում։ «Այո» «Ոչ»-ից հետո կրկին եկա այն եզրահանգմանը, որ դեռևս Հայաստանում ամբողջովին կայացած կուսակցություններ չկան, որովհետև նույնիսկ իրենց ներսում էլ խնդիրներ ունեն ընդհանուր մի գաղափարի շուրջ պայքարելու, մի հարցի շուրջ համախմբվելու, ցանկացած կուսակցության ներսում էլ այս պահին կան այդ խնդիրները: Մինչև դրանք չկարգավորվեն, Հայաստանում նորմալ կայացած կուսակցություններ լինել չեն կարող»։ Տեղեկացնենք, որ Վաղինակ Շուշանյանն առաջադրել է «Ազատ դեմոկրատները» Էլեկտրիկ Երևանից դեպի «էլեկտրիկ ԱԺ» կուսակցության կողմից թիվ 9 ընտրատեղամասում։

Նարեկ Այվազյանը թեպետ «Էլեկտրիկ Երևանի»  իրադարձություններից առաջ էր դեռեւս «Ազատ դեմոկրատներ» կուսակցության անդամ, սակայն վերջինս հանրության լայն շրջանակներին հայտնի դարձավ հենց այս շարժման ժամանակ։ «Ազատ դեմոկրատների» ռեյտինգային ցուցակով խորհրդարանական ընտրություններին առաջադրվել է նաև «Էլեկտրիկ Երևանից» Հմայակ Մկրտչյանը։

Քաղաքացիական ակտիվիտների է ներգրավել ցուցակներում նաւ «Ելք դաշինքը»։ Քաղաքացիական ակտիվիստ, «Ոչ թալանին» նախաձեռնության համակարգողներից Սոֆյա Հովսեփյանն է միացել «Ելքին»։ Ինչպես նաև գրող Համբարձում Համբարձումյանը․ «Որոշեցի թեկնածությունս առաջադրել, որովհետեւ պարտավորվածություն էի զգում։ Սովորաբար թվում է՝ մարդիկ հեշտ են ներգրավվում քաղաքական գործընթացներին, բայց իրականում այդպես չէ, նույնիսկ վստահված անձ գտնելու՝ ավելի քիչ պատասխանատվություն վերցնելու համար շատ բարդ է մարդկանց համոզել, որ մասնակցեն ընտրական գործընթացին»․- hraparak.am-ի հետ զրույցում ասել է Համբարձում Համբարձումյանը։ «Ելք» դաշինքի կողմից ակտիվ գործունեություն է սկսել «Դեմ եմ» քաղաքացիական շարժման ակտիվիստ Մանե Թանդիլյանը։

Hraparak.am