Ե՞ՐԲ ԵՆ ԴԻՄԱԿԱԶԵՐԾՎԵԼՈՒ ՖԵՅՔՆՅՈՒԶԵՐԻ ԳԱՂԱՓԱՐԱԿԱՆ ԿՆՔԱՀԱՅՐԵՐԸ

Գայանե Զարգարյանը ֆեյսբուքյանն իր էջում գրել է.

Համացանցում ձեւավորված նոր աղանդի՝ կեղծ պրոֆիլների, կեղծ ՆՅՈՒԶԵՐԻ, ինչ-ինչ հակամարդկային ու խայտառակ էջերով համացանցն աղտոտող BLOGNER-ի եւ այդ անբարո բանդայի համատեղ գործունեության ինքնությունն ու ՈՎ լինելը պարզելու համար, պետք է օգտագործվեն հնարավոր ու անհնարին միջոցները: 

Հատկապես երբ դրանց գաղափարական հայրերի ՁԵՌԱԳԻՐԸ նույնն է բոլոր ժամանակներում. որոշ օնլայն կանգառներում, ԶԼՄ-ի անվան տակ հանդես եկող ժանգոտ ԳՈՐԾԻՔԱԿԱԶՄԻՆ, ամենաստորաքարշ կերպով օգտագործել բացառապես սեփական հաշիվները մաքրելու՝ այն լրատվամիջոցների, այն լրագրողների ու խմբագիրների դեմ, ովքեր համարձակվել են անդրադառնալու ՝այս կամ այն ԱՊԱՇՆՈՐՀԻ հանցավոր գործունեությանը(փաստարկված):

Այդ իսկ պատճառով, պետք է անել հնարավորը՝ կանխելու այս նորագույն «տեռորիստական»ակտի բարգավաճման գործընթացը: 

Քանզի, այն կարող է մահակ դառնալ ցանկացած իրական լրագրողի համար, ով կփորձի օբյեկտիվ ու անաչառ կերպով իրացնելու իր մասնագիտական իրավունքը: 
Փաստ է, որ ՀՀ-ում քրեաօլգարխիան՝ իր մաֆիոզ դրսեւորումներով հանդերձ, գուցե իներցիայով լավագույնս պահպանվում է, շարունակելով իր կեղտոտ ու սեւ գործը՝ամենատարբեր ոլորտներում:

Եւ հիմա էլ, տպավորությունն այնպիսին է, որ այդ հրեշավոր ԲԱՆԴԱՆ՝ այժմ էլ իր ֆինանսական ու ինֆորմացիոն ռեսուրսներով փորձում է բառիս բուն իմաստով քայքայել .փոշիացնել ու իմաստազրկել մեդիա դաշտի ու լրագրողի իրական առաքելության նպատակները: 

Եթե տարիներ առաջ օլիգարխաթը, այս կամ այն բարձրաստիճան ուսադիրավորը չափվում էր յուր բանակով. սափրագլուխներով, ու սարսափազդու քրեածին էլեմենտներով, ապա վերջին տարիներին, դրանց կողքին իրենց ուրույն տեղը սկսեցին զբաղեցնել օնլայն տարածքը մրոտող ինչ-ինչ անհասկանալի ծագումնաբանությամբ ՄԻՄՈՍՆԵՐ, ԳՐՉԱԿՆԵՐՙ երբեք չբացահայտվող ԱՆԲԱՐՈ ՖԵՅՔԵՐ ՈՒ ՖԵՅՔ ՆՅՈՒԶԵՐԻ հիմնադիր գործիքներ, ովքեր իրենց տխրահռչակ գործունեությամբ շարունակում են արատավորել չորրորդ իշխանության անունը: 

Եւ գիտեք ինչո՞ւ. որովհետեւ դրանց զազրելի ու դատապարտելի հարձակման ձեւը՝ իրենց մանրադրամի տեղ օգտագործող տերերի ձեռքում, հետեւյալն է. շարքային քաղացուն, հայ կնոջը, մորը, ծնողին, ՄԱՐԴՈՒՆ, հակառակ կարծիքն արտահայտելու դեպքում. «հոշոտել» զրպարտել, վիրավորել, ամենաստոր սեռական բնույթի հայհոյանքները հնչեցնել… ու հագենալ դրանից:

Մոռանալով, որ իրենց անբարո գրառումները, ընթերցում են նաեւ իրենց հարազատները. քույրերը, երեխաները, ընտանիքի անդամները:

Իրենց քրեածին, հանցագործ անցյալը վերանայելու, ուղղվելու , իսկ լրատվամիջոցների հետ առերեսվելիս օրենքի շրջանակում իրենց իրավունքին տեր կանգնելու փոխարեն՝ ԴՐԱՆՔ այնուամենայնիվ գերադասում են «մարդակերությունը»…

Եւ ողբերգությունը շատ դեպքերում կայանում է նրանում, որ լրագրությունը բազարի հետ շփոթող, արա-նրա սրունքի տակ տեղավորված, շատերին ծաղրածու հիշեցնող ԳՐՉԱԿԸ շարունակում է ստվեր գցել՝լրագրողի այնքան պատվաբեր մասնագիտության վրա:

Վերջապես, նոր Հայաստանում հայրենի իշխանությունները, ե՞րբ են կամք դրսեւորելու մաքրելու ԱՎԳՅԱՆ ԱԽՈՌՆԵՐԸ: Ե՞րբ են վերջապես դիմակազերծելու դրանց ՀԱՆՑԱԳՈՐԾ կնքահայրերին, ՙ որոնց թելերը օդում կախված լուրերի համաձայն չի բացառվում, որ կարող են հասնել նախկին ու ներկա պագոնավորներից՝ մինչեւ կրիմինալ շրջանակներ:

Փորձ անելու ե՞ն բացահայտելու՝ ովքեր են ֆեյք նյուզերին, դրանց հիմնադիր շրջմոլիկներին սնուցողները՝ ինֆորմացիոն հովանավորները...

Վերջապես, այս երկրում ՄԵԿԸ, ի վիճակի լինելու է՞ պաշտպանել իրական լրագրողի՝ չորրորդ իշխանության շահերը, պաշտպանելու նրա անվտանգությունը, որպեսզի ամեն մի թիրախային հրապարակումից հետո, այս կամ կառույցը, հղփացածն ու սերմացու գողացողը՝ ԶԼՄ-ի դեմ չփորձի բանեցնել՝ իրեն հայտնի ՍՏՈՐԱՔԱՐՇ ՄԵԹՈԴՆԵՐԸ՚՚՚՚:

Այս ամենը ոչ այլ ինչ է, եթե ոչ անպատժելության հետեւանք: Եթե այս ընթացքում, մեկ -երկուսին՝նրանց պարագլուխների հետ միասին համարձակություն ունենային բացահայտելու, եւ պատժելու՝ երբ տարբեր վիրտուալ տարածքներից «խփում» էին չորրորդ իշխանության իրական ներկայացուցիչներին, ապա պատեհապաշտ ու բարոյազուրկ միջակությունը՝անելիք չէր ունենա....

Ո՞ւր են հայրենի իրավապահները, եւ ինչո՞վ են զբաղված, երբ համացանցում կատարյալ տեռոր է…Այդ հրոսակախումբը եթե  չունենա արտոնյալ հովանավորչություն , չի գործի առավել անբարոյական՝ քան մարմնավաճառները...

Եւ այդուհանդերձ. վեր բարձրացրած խնդրի վերաբերյալ, ուզում եմ հրավիրել ՀՀ վարչապետ  Նիկոլ Փաշինյանի ուշադրությունը.

 Պարոն Փաշինյան, դուք էիք՝ որ դեռեւս 2018-ին հայտարարեցիք եւ խոսեցիք Ֆեյք նյուզերի դեմ պայքարի, իրական ու անիրական լրատվությունը իրարից տարանջատելու մասին. այժմ տեր կանգնեք Ձեր խոսքին, եւ հանձնարարեք Ձեր ենթականերին, հատկապես ուժային կառույցների ղեկավարներին՝ վերջ դնելու կազմաքանդելու այս Հրեշավոր բանդայի գործունեությունը: 

Հանրությանը ոչ թե ֆեյք նյուզեր ու լրատվության անունը արատավոր ՀԱՄԲԱԿՆԵՐ են պետք, այլ իրական լրագրողներ ու գործի նվիրյալներ, ում համար գերակա է հանրության եւ շարքային քաղաքացու շահը: 

 Ձեզանից ընդամենը ակնալում ենք ԿԱՄՔ, ԵՒ ԿՈՆԿՐԵՏ ՀԱՆՁՆԱՐԱՐԱԿԱՆ Ձեր ենթականերին՝ բացահայտելու այդ հանցավոր շղթայի թելերը: 

Լրատվամիջոցներին ցուցակավորելու փոխարեն, շատ ավելի լավ կլինի՝ զբաղվել առավել կարեւոր ու արդյունավետ գործով: 
Պատրաստ եմ , այդ գործընթացի ակտիվ մասնակիցներից մեկը լինել…

Ի վերջո. հայհոյանքի, այլասերության անբարոյականության քարոզն ու տարածումը, այդ ԱՂԲԸ տիրաժավորելու անպատվաբեր գործը, որեւէ աղերս չունի իրական լրատվության հետ: 

Մնացածը՝ ճաշակի , գիտակցության, եւ ինչու ոչ՝ ինքնասիրության հարց է…

Հ. Գ 

Իսկ տգիտության մեջ խարխափողներին լուսավորեմ. առհասարակ ես պայքարում եմ ոչ թե ԹՈՒԼԱՆԵՐԻ, այլ դրանց ՏԵՐԵՐԻ դեմ: 

Իսկ գրելիքիս պատճառը մեկն էր. վերջ դնել տարիներով տարբեր լրատվամիջոցների ղեկավարների դեմ իրականացված կեղտոտ արշավներին: ժամանակն է՝ տարանջատելու ԳՈՐԾԻՔՆԵՐԻՆ՝ՊՐՈՖԵՍԻԱՆԱԼՆԵՐԻՑ…(ինչպես ասում են՝գնդակն իմ դաշտում չէ, բայց դա չի նշանակում է, որ պետք է շարունակենք լռել արատավոր ու այլասերված երեւույթների դեմ): 
Աններելի է զգուշավորությունը, կրկնակի աններելի մորթապաշտությունը, ՙքանի դեռ խեղկատակները չեն ապականել մեդիա դաշտը: