Երբեմն-երբեմն ցավալի կորուստների գնով, բայց մեր ոգին չի կոտրվելու.«Իմ քայլը» խմբակցության պատգամավոր

«Հայաստանը շարունակում է Ադրբեջանի հետ մնալ պատերազմական իրավիճակի մեջ, եւ փաստորեն Ադրբեջանը պարբերաբար դիմում է նման սադրանքների բանակցային գործընթացի համար ավելի բարենպաստ դիրք ունենալու նպատակով: Իրենց թվում է, թե ճնշումները կարող են բերել այնպիսի իրավիճակի, որ ավելի բարենպաստ դիրքերից խոսեն: Բայց դա նրանց չի հաջողվի»: «Իրավունքի» հետ զրույցում, անդրադառնալով սահմանային վերջին լարվածությանը, նման մեկնաբանություն տվեց «Իմ քայլը» խմբակցության պատգամավոր Հովիկ Աղազարյանը:

- Այսինքն վստա՞հ եք, որ լայնամշտաբ պատերազմի չի հանգեցնի իրավիճակը:
- Քիչ հավանական եմ համարում, բայց դե ոչինչ չի կարելի բացառել:

- Պարոն Աղազարյան, ասացիք, որ սադրանքների միջոցով փորձում են հայկական կողմին ճնշել: Կհաջողվի՞ դա իրենց մոտ:

-Ադրբեջանին չի հաջողվի ճնշել հայկական կողմին, մենք պատվով դիմանալու ենք ճնշումներին, երբեմն-երբեմն էլ ցավալի կորուստների գնով, բայց մեր ոգին չի կոտրվելու: Որովհետեւ ակնհայտ է, որ ադրբեջանական կողմը պատերազմի արդյունքներից բավարաված չէ , հետեւաբար Ադրբեջանի ռազմաքաղաքական իշխանությունը այդ կերպ կերակրում է իր հասարակությանը եւ ընդդիմությանը: Իրականում Ադրբեջանը չի հաղթել այնպես, ինչպես կցանկանար, եւ դա է պատճառը, որ սադրանքների միջոցով փորձում է արդարացնել իր բազմահազարանոց զոհերը, որոնք տվել են պատերազմի ընթացքում: Որովհետեւ իրենք չեն հասել իրենց հետապնդած նպատակներին:
Հիմա աշխարհաքաղաքական որ վեկտորներ են նշմարվում, որով մենք ռազմաքաղաքական առումով եւս կփորձենք դիմակայել:

ՀԱՊԿ-Ի ԱՐՁԱԳԱՆՔԸ ԶՍՊՎԱԾ Է

- Իսկ ՀԱՊԿԸ:
- Ես կասեի ՀԱՊԿ-ի արձագանքը մի փոքր զսպված է, որովհետեւ նմանատիպ անվտանգային բլոկները աշխատում են հնարավորինս խաղաղ ճանապարհներով լուծել կոնֆլիկտային իրավիճակները, որպեսզի այն չվերածվի լայնամաշատ պատերազմի: Ես տնում եմ, որ մի փոքր զսպվածություն կա, բայց դա այդքան խորը վերլուծելը իմ մասնագիտությունը չի:
- Պարոն Աղազարյան, Դուք ասացիք, որ արտքաին քաղաքականության բնագավառում նշմարվում են նոր վեկտորներ: Ի՞նչ նկատի ունեք, հնարավո՞ր է այդ վեկտորները բերեն ՀԱՊԿ-ից դուրս գալու գալու գործընթացի:
- Դե ես ընդհանուր առմամբ նկատի ունեմ, իսկ ՀԱՊԿ-ից դուրս գալու մասին, ես կարծում  եմ, որ շատ շուտ է խոսելը: Հիմա մենք պետք է օգտագործենք ՀԱՊԿ-ի բոլոր հնարավորությունները:

Մանրամասները՝IRAVUNK.com-ում: 

Զրույցը` ԻԼՈՆԱ ԱԶԱՐՅԱՆԻ