Երեւանում 14-ամյա աղջիկ է վրաերթի ենթարկվել. վիճակը ծայրահեղ ծանր է

Երեւանի «Սուրբ Աստվածամայր» բժշկական կենտրոն այսօր՝ հունվարի 11-ին, ծանր գանգուղեղային վնասվածքով 14-ամյա աղջիկ է տեղափոխվել, որը վնասվածքը ստացել է վրաերթի հետեւանքով:

Բժշկական կենտրոնի տնօրեն Նիկոլայ Դալլաքյանը NEWS.am-ին հայտնեց, որ 14-ամյա Շուշանիկ Իսպիրյանի վիճակը ծայրահեղ ծանր է, նա միացված է արհեստական շնչառության ապարատի:

Ըստ Shamshyan.com-ի՝ ժամը 16:00-ի սահմանում անհայտ մակնիշի եւ համարանիշի ավտոմեքենայի վարորդը Բագրատունյաց փողոցում` Երեւանյան լճի կամրջի վրա վրաերթի է ենթարկել հետիոտն, Արմավիր քաղաքի բնակիչ, 14-ամյա Շուշանիկ Իսպիրյանին: