Երևան-Գյումրի ավտոճանապարհին խոշոր ավտովթարի գործով մեղադրանք է առաջադրվել

Երևանից Գյումրի ընթացող «Գազ-32213» մակնիշի 0811 Լ հաշվառման համարանիշի ուղևորատար ավտոմոբիլի հետ խոշոր ավտովթարի գործով որոշում է կայացվել 44-ամյա Մանվել Վարդանյանին մեղադրանք առաջադրել ՀՀ քրեական օրենսգրքի 242-րդ հոդվածի 3-րդ մասով՝ ճանապարհային երթևեկության և տրասնպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ:

«Փաստինֆո»-ի տեղեկություններով, «Իմէքս-Գրուպ» ՍՊ ընկերության վարորդն իրեն ամրացված «Կամազ-53202» մակնիշի 533 ՏՍ 61 հաշվառման համարանիշի բեռնատար ավտոմոբիլով 2014 թվականի նոյեմբերի 10-ին ժամը 19.15-ի սահմաններում, ընթանալով Արթիկ քաղաքից դեպի Գյումրի քաղաք, Երևան-Գյումրի ճանապարհի 108-րդ կմ ճանապարհահատվածում խախտելով ՀՀ ՃԵԿ-ի 96 կետի, ճանապարհային նշանի և «Ճանապարհային երթևեկության անվտանգության ապահովման մասին» ՀՀ օրենքի 23-րդ հոդվածի 3-րդ կետի պահանջները: Մասնավորապես, վարորդը պարտավոր էր երկրորդական ճանապարհով անհավասարազոր ճանապարների խաչմերուկին մոտենալով, ճանապարհը զիջել գլխավոր ճանապարհով ընթացող տրանսպորտային միջոցներին` անկախ դրանց հետագա երթևեկության ուղղությունից, ինչպես նաև կանգնել հատվող երթևեկելի մասի եզրից առաջ: Սակայն նա գլխավոր ճանապարհով Երևանից-Գյումրի ընթացող Ռազմիկ Համբարձումի Մկրտչյանի վարած «Տրանս-Ակնթարթ» ՍՊ ընկերությանը պատկանող` Երևանից-Գյումրի թիվ 359 երթուղու «Գազ-32213» մակնիշի 0811 Լ հաշվառման համարանիշի ուղևորատար ավտոմոբիլի առկայության պայմաններում, առանց նշված գործողությունները կատարելու, շարունակել է երթևեկությունը, իր այդ գործողություններով ստեղծելով վթարային իրավիճակ և ինքն իրեն զրկելով վթարը կանխելու տեխնիկական հնարավորությունից, մուտք է գործել խաչմերուկ և բախվելով նշված ուղևորատար ավտոմոբիլին, վթարի ենթարկվել:

Մանվել Վարդանյանի վերը նշված գործողություններն անզգուշությամբ առաջացրել են ավտոմոբիլի վարորդ Ռազմիկ Համբարձումի Մկրտչյանի և ուղևորներ` Մարինե Արշավիրի Նազարյանի, Արամայիս Գուրգենի Թումանւայանի, Վանիկ Լևոնի Սարգսյանի, Հաբեթ Սեդրակի Սեդ¬րակյանի, Գայանե Աղասու Սեդրակյանի և Դավիթ Կարուշի Հարությունյանի մահը, իսկ ուղևորներ` Կարեն Ռազմիկի Բաղդասարյանը, Հովհաննես Անդրանիկի Չախոյանը, Սամվել Հակոբի Հակոբյանը, Զարուհի Մկրտչի Հովհաննիսյանը, Ալբերտ Գառնիկի Շախնազարյանը, Հասմիկ Սպարտակի Հովհաննիսյանը և Էդմոն Հրանտի Սիմոնյանը տարբեր աստիճանի այրվածքներով և մարմնական վնասվածքներով տեղափոխվել են «Գյումրի բժշկական կենտրոն» ՓԲ ընկերություն: