Երկիրն էլ մեր բոլորիս ընտանիքն է. ու պիտի կարողանանք ԲՈԼՈՐՍ ՄԻԱՍԻՆ ՈՒ ՄԻԱԲԱՆ ՏԱՆԵԼ ՄԵՐ ԽԱՉԸ...

Ամփոփելով անցնող տարին, եւ առերեսվելով մեր պատմության ամենատխուր ու ցավալի էջի հետ, մի քանի ժամ անց՝ բոլորս մեր ընտանիքներում նորից նայելու ենք իրար աչքերի մեջ:
Ու ասելու ենք ոչ թե Շնորհավոր... այլ ասելու ենք ՀԱՎԵՐԺ ՓԱՌՔ ՈՒ ԽՈՆԱՐՀՈՒՄ ԵՌԱԲԼՈՒՐՈՒՄ ՆՆՋՈՂ ՄԵՐ ՀԵՐՈՍՆԵՐԻՆ, ԱՍԵԼՈՒ ԵՆՔ ՇՈՒՏԱՓՈՒՅԹ ՎԵՐԱԴԱՐՁ ՄԵՐ ԳԵՐԻՆԵՐԻՆ, ԱՍԵԼՈՒ ԵՆՔ ՆԵՐԵՂՈՒԹՅՈՒՆ ՈՐԴԵԿՈՐՈՒՅՍ ՄՈՐԸ, ԾՆՈՂԻՆ ՔՐՈՋԸ, ԵՂԲՈՐԸ...
Իրար նեցուկ լինելու խոստումը՝ նորից լինելու է յուրաքանչյուրիս մտքում ու սրտում... ու ոչ թե փոքր, այլ ՀԱՆՈՒՆ ՄԵԾ ԳԱՂԱՓԱՐԻ ՈՒ ՆՊԱՏԱԿԻ, հանուն մեր վաղվա, հանուն արժանապատիվ ՀԱՅԻ ՈՒ ՀԱՅԱՍՏԱՆԻ:
Երկիրն էլ մեր բոլորիս ընտանիքն է. ու պիտի կարողանանք ԲՈԼՈՐՍ ՄԻԱՍԻՆ ՈՒ ՄԻԱԲԱՆ ՏԱՆԵԼ ՄԵՐ ԽԱՉԸ..
ՍԻՐԵԼԻՆԵՐՍ, ԲՈԼՈՐՍ ՄԻԱՍԻՆ  շատ ավելին ունենք, քան կարծում ենք: Որքան էլ տարբեր կողմերից նայենք, մեկ է` մեր նպատակները նույնանում են, երբ ասում ենք հայրենիք, Հայաստան, Արցախ, Սփյուռք, խաղաղություն, ծնող, զավակ…
Եւ ուրեմն ԹՈՂ ՈՐ 2021-ին, ՄԻԱԲԱՆ ԼԻՆԵՆՔ, ԱՄՐԱՆԱՆՔ ՈՒ ՀԶՈՐԱՆԱՆՔ... ՀԱՆՈՒՆ ՀԱՅԻ, ՀԱՆՈՒՆ ՄԵՐ ԼԻՆԵԼԻՈՒԹՅԱՆ...
ՍԻՐԵԼԻ ԾՆՈՂՆԵՐ, ՄԱՅՐԵՐ, ՔՈՒՅՐԵՐ, ԽՈՆԱՐՀՎՈՒՄ ԵՄ ԲՈԼՈՐԻԴ ԱՌԱՋ. ԵՒ ԷԼԻ ԿՐԿՆՈՒՄ.ՄԵՐ ՀԵՐՈՍՆԵՐՆ ԸՆԿԱՆ, որ ԱՊՐԻ ՀԱՅԸ, որ ՉԿՏՐՎԻ ԱՐՄԱՏԸ...ՈՐ ԱՊՐԻ ՍԵՐՈՒՆԴԸ...

Թող ներեն մեզ ՄԵՐ ՀԵՐՈՍՆԵՐԸ, թող ների մեզ Եռաբլուրը, թող ներեն...

ԵԹԵ ԿԱՐՈՂ ԵՆ...

Թող որ 2021թվականը հայ ազգին խաղաղություն,համերաշխություն ու միասնություն բերի...Թող որ 2021-ին հաճախ լսվի մանկան ճիչը, բայց ոչ ծնողի...
թող որ 2021-ը բազմապատկի մեր խոհեմությունն ու հավասարակշռությունը՝ ճիշտ գնահատելու մեր հնարավորությունները, և որպեսզի պետության առջև ծառացած բարդ խնդիրների լուծման ճանապարհին՝ կարողանանք պատվով հաղթահարել մեզ նետված մարտահրավերները:
Խաղաղ ծառայություն եմ մաղթում Հայկական բանակի ողջ անձնակազմին՝գեներալներին, սպաներին, ենթասպաներին, զինվորներին, եւ անշուշտ նաեւ ՄԵՐ ԲՈԼՈՐ ԻՐԱԿԱՆ ՈՒ ՆՎԻՐՅԱԼ ՈՍՏԻԿԱՆՆԵՐԻՆ, ովքեր պատվով են կրում իրենց ուսադիրները:
Մեր ժողովրդի պայքարն արդար է, եւ ես հավատում եմ , որ վաղ թե ուշ այն պսակվելու է հաղթանակով։
Թո′ղ որ յուրաքանչյուրիս հայրենանվեր ծառայության շնորհիվ 2021-ին խաղաղությունը անխախտ լինի Հայոց աշխարհում...