Էրողանի խորհրդականը հավատում է, որ մի օր Ղարաբաղի երկնքում կծածանվի ադրբեջանական դրոշը

yerkir.am
Թուրքիայի նախագահ Ռեջեփ Թայիփ Էրդողանի խորհրդական Յալչըն Թոփչուն նոյեմբերի 9-ին մասնակցել է Անկարայում Ադրբեջանի դեսպանատանը անցկացվող Ադրբեջանի պետական դրոշի օրվան նվիրված միջոցառմանը, որին մասնակցում էին նաև մի շարք լրատվամիջոցներ: Յալչընը հակահայկական անհեթեթություններ պարունակող հերթական հայտարարություններ է արել. ըստ Yerkir.am-ի՝ հաղորդում է թուրքական gazetebirlik.com կայքը:

«Այս կարևոր օրը հատկապես, անօրինական, անիրավական և ստոր բռնազավթման տակ գտնվող տխուր Ղարաբաղին և նրա զավակներին ամենաջերմ ողջույններն եմ հղում: ՄԱԿ-ը 2008 թ. մարտի 14-ին 7 դեմ և 39 կողմ ձայներով աջակցություն է հայտնել «Ադրբեջանի տարածքային ամբողջականությանը և պահանջել անհապաղ հեռանալ այդտեղից» և այդ որոշումը մինչ այժմ չի կատարվել: Աշխարհի այն բոլոր այն կրոնների և ազգերի ներկայացուցիչները, որտեղ գերակայում է օրենք, հավատում են, որ ադրբեջանական դրոշը ծածանվելու է Ադրբեջանի հին հողերի՝ Ղարաբաղի երկնքում: Շուշիի երեխաները վազելու և խաղաղալու են Չըդըրի դաշտում (Ջդրդուզ) և Մոլլա Փենահ Վաքըֆը հանգստությամբ կննջի իր գերեզմանոցոն». – հատարարել է Թոփչուն:

Նախ անրադառնանք պատմություն չիմացող Թոփչուի՝ ՄԱԿ-ի ընդունած բանաձևի վերաբերյալ հայտարարությանը: Կիպրոսի կեսը բռնազավթած և Սիրիայի հյուսիսը բռնազավթել փորձող երկրի ներկայացուցիչ Թոփչուն չգիտի, որ այդ բանաձևն ընդունվել է 7 դեմ, 39 կողմ և 100 ձեռնպահ ձայներով, այսինքն ՄԱԿ-ի անդամ երկրների մեծ մասը չեն էլ քվեարկել դրա օգտին: Բացի այդ, Մինսկի խմբի համանախագահները՝ ԱՄՆ, Ֆրանսիան և Ռուսաստանը դեմ են արտահայտվել այդ փաստաթղթին, իսկ Մինսկի խումբն էլ քննադատել Ադրբեջանին: Ադրբեջանն այնուհետև ինքն էր հրաժարվել բանաձևի քննարկումից: Փաստացի ՄԱԿ-ի ընդունած բանաձևը ոչ մի արժեք չունի:

Իսկ ինչ վերաբերում է կովկասցի թաթար գրող և վեզիր Մոլլա Փենահ Վաքըֆին, ապա վերջինս նույնիսկ շուշեցի չէ, ինչպես ներկայացնում եմ ադրբեջանցիներն ու թուրքերը, քանզի վերջինս ծնվել է պատմական Տավուշի շրջանի ադրբեջանական գյուղերից մեկում և հետագայում, պաշտոնից ելնելով (Ղարաբաղի խանի վեզիրը), կյանքի մի մասն էլ անցկացրել է Շուշիում: