Եվրասիական միաբանության գաղափարախոսությունը ստացավ իր նոր ձեւակերպումը

Եվրասիական միաբանության գաղափարախոսությունը ստացավ իր նոր ձեւակերպումը

Ինչպես արդեն հաղորդել ենք, հունիսի 12-ին` Ռուսաստանի օրը տեղի ունեցավ շատ նշանակալի մի իրադարձություն` հիմնադրվեց Եվրասիական քաղաքակրթության միջազգային ասոցացիան (ԵԱՔՄԱ): Ընդ որում, այդ նշանավոր միջոցառումը տեղի ունեցավ ժողովուրդների բարեկամության «Ալուշտա-ֆեստ» միջազգային փառատոնի շրջանակում: Փառատոն, որը իր էությամբ կոչված է մերձեցնել տարբեր երկրների երիտասարդ սերունդները մշակույթի ու արվեստի միջոցով: Բացի այդ, ԵԱՔՄԱ-ն որոշ իմաստով շարունակությունն է հանդիսանում նախորդ օրերին Յալթայում տեղի ունեցած Լիվադյան ակումբի նիստի, որտեղ եւ հանդես գալով ծրագրային զեկույցով վերոհիշյալ ասոցացիայի նախաձեռնողներից մեկը` Հայկ Բաբուխանյանը ազդարարեց ԵԱՔՄԱ-ի հիմնադրման մասին:

Նշենք, որ Հայկ Բաբուխանյանի ելույթը ամփոփում էր Լիվադյան ակումբի նիստը, իսկ նիստը վարող Ղրիմի Հանրապետության փոխվարչապետ եւ ՌԴ նախագահ Վլադիմիր Պուտինի մոտ ներկայացուցիչ Գեորգի Մուրադովը ընդգծեց, որ Հ. Բաբուխանյանի ելույթը ուներ գաղափախոսական եւ ծրագրային ուղղվածություն եւ կարելի է եզրակացնել, որ այն ուժերի նպատակները, որոնք 30 տարի առաջ քանդեցին Սովետական Միությունը, այնուամենայնիվ, ամբողջությամբ չիրականացավ, քանի որ մեր ժողովուրդները քաղաքակրթական առումով միմյանցից չհեռեցան:

Լիվադյան ակումբի բազմաթիվ անդամներ իրենց ելույթում նշում էին, որ ժամանակն է ձեւավորել եվրասիական գաղափարախոսությունը, որը պետք է նպաստի ետխորհրդային տարածքում ժողովուրդների մերձեցման, ինչպես նաեւ ԵԱՏՄ-ի, ՀԱՊԿ-ի, Շանհայի համագործակցության կազմակերպության անդամ պետությունների համագործակցության զարգացմանը: Այդ նոր եվրասիական գաղափարախոսությունը պետք է լինի ժամանակակից խնդիրների լուծման բանալին: ԵԱՔՄԱ-ի հիմնադիր կոնֆերասին միանշանակ պարզ դարձավ, որ այդ շրջանակներում եվրասիական գաղափարախոսությունը արդեն ձեւավորվել է: Միջազգային ասոցացիայի հիմնյադիր նիստում ելույթ ունեցողները` ԵԱՏՄ ինստիտուտի տնօրեն Վլադիմիր Լեպեխինը, ՍԻՄ նախագահ Հայկ Բաբուխանյանը, Ալուշտա-ֆեստ փառատոնի տնօրեն Արմեն Օգանեսովը եւ ուրիշներ նշեցին, որ եվրասիական գաղափարախոսության հիմնական դրույթները հիմնվում են քաղաքակրթական արժեքային մոտեցման վրա, եվրասիական երկրների դինամիկ եւ ինքնիշխան զարգացման գաղափարների վրա, ինչպես նաեւ նրանց միասնականության վրա, որը որ պետք է լինի այդ երկրների եւ ընդհանրապես` եվրասիական քաղաքակրթության պատասխանը գլոբալիստական ձգտումներին եւ մրցակցող քաղաքակրթական կազմավորումների աշխարհաքաղաքական մարտահրավերիներին:

Այսպիսով, նորաստեղծ ասոցացիայի գլխավոր խնդիրներից մեկը հանդիսանում է այն, որ բոլոր շահագռգիռ կողմերին ներկայացնի վերոհիշյալ գաղափարախոսության տեսլականը եւ դրանից բխող այն ճանապարհը, որով պետք է շարժվեն բոլոր այն մարդիկ, կազմակերպությունները եւ պետությունները, որոնք իրապես շահագռգռված են արդյունավետ եւ բազմակողմանի ետխորհրդային ինտեգրացիայի մեջ, նպատակ ունենալով վերաձեւավորել նոր աշխարհաքաղաքական կենտրոն, այն է` ինքիշխան եվրասիական քաղաքակրթությունը:

ԵԱՔՄԱ-ի հիմնադրմանը մասնակցել են հինգ երկրների ներկայացուցիչներ` Ռուսաստանից, Հայաստանից, Ղրղըզստանից, Մոլդովայից եւ Աբխազիայից: Ընդ որում, Ռուսաստանը ներկայացված է հինգ տարածաշրջաններով` Ղրիմից մինչեւ Եկատիրինբուրգ: Հիմնադիրները ընդունեցին ԵԱՔՄԱ-ի մի շարք փաստաթղթեր: Զեկույցով հանդես եկավ «Ուժեղ Հայաստանը Ռուսաստանի հետ. հանուն նոր Միության» շարժման հիմնադիր Հայկ Բաբուխանյանը, որտեղ ներկայացրեց նոր միջազգային ասոցացիայի նպատակները եւ խնդիրները: «Եվրասիական ժողովուրդների միաբանության 12 սկզբունքները» ելույթում հանդես եկավ ԵԱՏՄ ինստիտուտի տնօրեն Վլադիմիր Լեպեխինը: Վերոհիշյալ ելույթները, ինչպես նաեւ ԵԱՔՄԱ-ի վերաբերվող այլ նյութեր մոտակա օրերին կհրապարակվեն Ռուսաստանի եւ Հայաստանի ԶԼՄ-ներով: