Եվրոպայի լավագույն երկրները հանգստի համար. photo

Այսօրվա դրությամբ ուղությունների ընտրության տարբերակները շատ են: Հարկավոր է միայն կողմնորոշվել, թե ինչ եք ցանկանում տեսնել, ինչպես եք ուզում հանգստանալ և ինչ գումար եք պատրաստ ծախսել ուղևորության համար: Եթե ցանկանում եք հանգստանալ ծովում, ապա ձեզ կհամապատասխանեն հարավային Եվրոպայի երկրները: Ձեզ ենք ներկայացնում Եվրոպական այն երկրները, որոնք զբոսաշրջիկների համար առավել նախընտրելի վայրերն են և որտեղ հնարավոր է վայելել և հանգիստը, և ծանոթանալ մշակութային արժեքներին:

Իսպանիա: Այսօր Իսպանիան համարվում է Եվրոպայի ամենահեղինակավոր և զբոսաշրջիկների կողմից առավել հաճախ այցելվող երկիրը: Իսկ ինչո՞վ է գրավիչ այս բազմազան երկիրը: Բացի մշակութային հուշարձաններից և տեսարժան վայրերից Իսպանիան հետաքրքիր է նաև իր հնագույն ավանդություններով և զարմանալի փաստերով, որոնցից շատերը չափազանց անսովոր են:

Իսպանիան Եվրոպայի ամենալեռնային երկիրն է, իսկ մայրաքաղաք Մադրիդը` ամենաբարձրադիր քաղաքը: Ի դեպ Մադրիդը տեղակայված է հենց երկրի կենտրոնում:

Ֆրանսիա: Գեղեցկության, եզակի պատմական իրադարձությունների, նորաձև խանութների և հիանալի ճարտարապետական շինությունների զարմանահրաշ երկիր է Ֆրանսիան: Անխոս, Ֆրանսիայի մասին հետաքրքիր ինֆորմացիան անսահման է` լինի դա քաղաքականություն, արվեստ կամ գիտություն:

Ավստրիա: Շարունակում ենք ներկայացնել ամենահետաքրքիր երկրները: Հերթը Ավստրիայինն է: Այսպիսով, Ավստրիան երկիր-հանելուկ է, որին ցանկանում ես գուշակել կրկին ու կրկին: Եթե դուք պատրաստվում եք այցելել այս հիասքանչ երկիր, ապա անպայման պետք է ավելի շատ օգտակար և հետաքրքիր ինֆորմացիա իմանալ այս երկրի մասին:

Գերմանիա: Գերմանիան Կենտրոնական Եվրոպայում գտնվող պետություն է, որը ժամանակակից աշխարհի առաջատարներից մեկն է։ Վերջին հարյուրամյակում նրա մասին շատ է խոսվում։ Բավական է հիշել I և II Համաշխարհային պատերազմները։

Գերմանիան՝ իր 81 մլն բնակչությամբ, համարվում է Եվրոմիության ամենախիտ բնակեցված տարածքը։

Շվեյցարիա: Շվեյցարիա (գերմաներեն՝ Schweiz, ֆրանսերեն՝ Suisse, իտալերեն՝ Svizzera, ռոմանշերեն՝ Svizra), պաշտոնական անվանում՝Շվեյցարական Համադաշնություն (գերմաներեն՝ Schweizerische Eidgenossenschaft, ֆրանսերեն՝ Confédération suisse, իտալերեն՝ Confederazione Svizzera, ռոմանշերեն՝ Confederaziun svizra), պետություն Կենտրոնական Եվրոպայում։ Հյուսիսից սահմանակից է Գերմանիայի, հարավում՝ Իտալիայի, արևմուտքում՝ Ֆրանսիայի, արևելքում՝ Ավստրիայի և Լիխտենշտեյնի հետ: Անվանումը ծագում է Շվից կանտոնի անունից, որն իր հերթին կազմվել է հին գերմաներեն «վառել» բառից։ Շվեյցարիան գտնվում է Արևմտյան Եվրոպայի գրեթե կենտրոնում։ Երկրի երեք հինգերորդ մասը զբաղեցնում են ուղաձիգ ժայռերով, անհատակ վիհերով և շառաչող ջրվեժներով լեռները, որոնց գագաթները ծածկված են հավերժական սառույցով։

Չեխիա: Չեխիա (չեխերեն` Česko), պաշտոնական անվանումը Չեխական Հանրապետություն (չեխերեն` Česká republika), կարճեցված ՉՀ (չեխերեն՝ ČR), պետություն Կենտրոնական Եվրոպայում։ Չեխիայի Հանրապետությունը, ինչպես պաշտոնապես կոչվում է Չեխիան, գտնվում է համարյա Եվրոպայի կենտրոնում:

շ

Հունաստան:Հունաստանի մասին հիմնական տեղեկատվությունը Տուրիստական նորություններ նախագիծը արդեն ներկայացրել է իր ընթերցողներին: Այժմ առաջարկում ենք 3 մասերից բաղկացած կարճ անդրադարձով ծանոթանալ Հունաստանի մասին հետաքրքիր փաստերին:

Բուլղարիա: Բուլղարիան պետություն է Հարավային Եվրոպայում՝ Բալկանյան թերակղզու արևելքում՝ Սև ծովի ափին:Սահմանակից է Ռումանիային հյուսիսում, Սերբիային և Մակեդոնիայի հանրապետությանը` արևմտքում, Հունաստանին և Թուրքիային` հարավում և Սև ծովին` արևելքում: Ռելիեֆը բազմատեսակ է. հարթավայրային և բլրային շրջանները զբաղեցնում են երկրի մակերեսի 70 տոկոսը, իսկ լեռնային շրջանները` 30 տոկոսը:

Սան Մարինո: Սան Մարինո (իտալ.՝ San Marino), պաշտոնական անվանումը՝ Սան Մարինոյի Հանրապետություն (իտալ.՝Serenissima Repubblica di San Marino, բառացի՝ Սան Մարինոյի Սրբագույն Հանրապետություն), երկիրԵվրոպայում, ամբողջովին շրջապատված Իտալիայով։ Սան Մարինոն հայտնի որպես խաղաղ հանրապետություն։ Այս փոքր պետությունը ամբողջապես շրջապատված է Իտալիայով, գտնվում է իտալական թերակղզու (Ապենինյան) հյուսիսարևելյան մասում Ապենինյան լեռներում։ Տարածքը կազմում է 61 կմ2, բնակչությունը կազմում է ավելի քան 30000 մարդ։ Մայրաքաղաքը Սան Մարինոն է, երկրի ամենամեծ քաղաքը Դոգանան է, որն ունի մոտավորապես 7000 բնակչություն։