Եվրոպայի Սերգեյ-Բանդուրյան եղբայրներ կլանը իր լուրջ ազդեցություն ունի Գեղարքունիքի մարզում

Ինչպես բոլոր ընտրատարածքներում, այնպես էլ Գեղարքունիքի մարզում, բավականին լարված պայքար է սպասվում ռեյտինգային թեկնածուների միջեւ։
Հայտնի է, որ իշխող Հանրապետական կուսակցությունից այս մարզում ռեյտինգային ընտրակարգով առաջադրվելու է հայտնի գործարար Սերգեյ Մանուկյանի՝Եվրոպայի Սերգեյի փեսա՝ Կարեն Բոթոյանը, ով բոլորովին վերջերս համալրել է ՀՀԿ-ի շարքերը, կարկառուն ՀՀԿ-ական Հակոբ Հակոբյանը՝ Թունելի Հակոբը, խոսք է գնում այն մասին, որ ռեյտինգայինով կարող է առաջադրվի նաեւ Սփյուռքի նախարար Հրանուշ Հակոբյանի քրոջ դուստրը՝ Ռուզաննա Հակոբյանը, ով ներկայումս Գավառի պետական համալսարանի ռեկտորն է։

Դեռ վերջնական չէ, բայց եւ չի բացառվում որ ընտրական խաղի մեջ մտնի նաեւ նախկին պատգամավոր Տիգրան Արզաքանցյանը, ով տեւական ժամանակ է, խոսում են ինչ-որ ֆինանսական խնդիրներ ունի չլուծված:

Իրականում, այս անգամ մրցակցությունը բավականին բարդ է լինելու, եւ իրական պայքար է ընթանալու բոլոր այն թեկնածուների միջեւ, ովքեր ձայնի կռիվ են տալու ոչ միայն սեփական անձի, այլ նաեւ այն կուսակցության համար, որի ցուցակով որ առաջադրվել եւ մասնակցել են ընտրական գործընթացներին:
Հարկ է նկատել, որ այս պահի դրությամբ, Գեղարքունիքի մարզում բավականին ամուր դիրքերում է գտնվում պատգամավոր Կարեն Բոթոյանը, ով Սեւանի եւ Ճամբարակի շրջանում այս տարիների ընթացքում բավականին ակտիվ գործունեություն է ծավալել, եւ հասանելի պատգամավոր է եղել իր ընտրողների համար:Մարզում շատերն էին խոստովանում, որ նա մշտապես աջակցել ու սատար է կանգնել Գեղարքունիքի մարզի բնակիչներին:
Իրականում Բոթոյանը բարձր վարկանիշ եւ հեղինակություն ունի այս օկրուգում, եւ հենց այնպես չէ, որ նա եւս մեկ անգամ թաթախվել է այս բարդ եւ պատասխանատու ընտրապայքարի մեջ:
Բայց իրականությունը չշրջանցելու համար, պետք է նշենք նաեւ, որ այս մարզում՝ հատկապես Գավառում, Սեւանում, եւ Մարտունի քաղաքներում բավականին լուրջ հեղինակություն, հարգանք եւ ազդեցություն ունի նաեւ Բոթոյանի աները՝ հայտնի գործարար Սերգեյ Մանուկյանը, ով իրականում այդ մարզում ձեռքերը ծալած չի նստել, եւ կարողացել է մարզի բնակիչների կողքին լինել՝ ցանկացած պահի: Իսկ աներոջ պլյուսները միաժամանակ չեն կարող չաշխատել Բոթոյանի օգտին, քանի որ շատերը գիտեն, որ Մանուկյանի կապերը հնուց են գալիս, իսկ նրա ունեցած հեղինակությունն էլ մեկ օրում չէ, որ ստեղծվել:
Ավելին, Գեղարքունիքի մարզում , մշտապես, եւ հիմա էլ ակտիվ են տեսակետները այն մասին, որ այս մարզում իր հաստատուն տեղն ունի Եվրոպայի Սերգեյ-Արա Ալիկ հայտնի քրեական հեղինակություններ կլանը, որոնց թիմակիցների թիվը բավականին մեծ է, եւ որ այստեղ այս զույգն իսկապես իր վճռորոշ խոսքն ունի, եւ իրականում էլ նրանք բոլոր ընտրություններում կարողացել են բարձր ցուցանշներ ապահովել հատկապես իշխող կուսակցության համար:

Ի դեպ, Գեղարքունիքի մարզում անցկացված հարցումների արդյունքում պարզ դարձավ, որ իրականում,ե'ւ Սերգեյ Մանուկյանը, եւ Բանդուրյան եղբայրները իրականում լուրջ խաղացողներ են այս մարզում, քանի որ նրանք երբեք չեն հեռացել իրենց արմատներից, եւ այս տարիների ընթացքում մշտապես ինչով որ կարողացել են սատար են կանգնել իրենց հայրնեակիցներին: Իսկ թե այաս ամենի հանրագումարում, ինչպիսի ընտրություններ տեղի կունենա այս մարզում, եւ թե իրականում ով ինչպես կկարողանա օգտագործել իր հաղթաթուղթը կերեւա՝ առաջիկա զարգացումների ընթացքում:

Այս մարզում անցկացված հարցումների ամբողջական պատկերը՝ կներկայացնենք մեր հաջորդ հրապարակման շրջանակներում: