Exit poll-ի արդյունքները. ՀՀԿ՝ 46%, ԾԴ՝ 25%, ԵԼՔ՝ 10% և ՀՅԴ՝ 5%. ԱԺ կանցնի 4 ուժ

Ժամը 20։00-ին ավարտվեց ԱԺ ընտրությունների քվեարկությունը։ ԱԺ ընտրություններին մասնակցող 9 կուսակցություններից և կուսակցությունների դաշինքներից, համաձայն «Երկիր մեդիա» հեռուստաընկերության պատվերով անցկացված exit poll-ի արդյունքների, ԱԺ կանցնի չորս ուժ։ Դրանք են` Հայաստանի Հանրապետական կուսակցությունը, «Ծառուկյան դաշինք»-ը, «ԵԼՔ»–ը և ՀՅԴ–ն։

Այս տվյալները ներկայացվեցին «Երկիր մեդիայի» եթերում` նույն հեռուստաընկերության  պատվերով անցկացված exit poll-ի արդյունքների հիման վրա:  

Հայկական սոցիոլոգիական ընկերակցության նախագահ Գևորգ Պողոսյանի ներկայացված տվյալներով՝

Հայաստանի Հանրապետական կուսակցությունն ունի 46 տոկոս

«Ծառուկյան դաշինքը»` 25 տոկոս

«Օհանյան-Րաֆֆի -Օսկանյան» դաշինքը՝ 3 տոկոս

«Կոնգրես- ՀԺԿ»–ն՝ 3 տոկոս

«Ելք» դաշինքը՝ 10 տոկոս

Հայ Յեղափոխական Դաշնակցությունը՝ 5 տոկոս

«Ազատ դեմոկրատները»՝ 2 տոկոս

«Հայկական վերածնունդ» կուսակցությունը՝  4 տոկոս

Հայաստանի կոմունիստական կուսակցությունը՝ 2 տոկոս

Իսկ հարցվածների 2 տոկոսը չի պատասխանել հարցմանը: 
 

Նշենք, որ exit poll-ն անցկացվել է Հայաստանի ողջ տարածքում` բոլոր մարզերում , քաղաքներում` համամասնորեն ներկայացված ՀՀ ողջ տարածքով:  Հավելենք, որ հարցմանը մասնակցել է  330 հազար:


Նշենք, որ exit poll–ը ողջ աշխարհում համարվում է ամենաարժանահավատը սոցիոլոգական հարցումներից: Եթե սոցիոլոգիական հարցումների դեպքում սխալականության տոկոսը կազմում է 3 տոկոս, ապա exit poll–ի դեպքում դա կազմում է 1.5 տոկոս:
 

tert.am