Գիշեր ու զօր աշխատող Մշակույթի նախարարությունը...

Երկու օր շարունակ, ՀՀ մշակույթի նախարարությունը, «Ֆորում» մամուլի ակումբի անունից հաղորդագրություններ է տարածել լրատվամիջոցներին, որ իբրեւ շաբաթ, եւ  երկուշաբթի օրերին, մեր ակումբում անցկացվելու է լուսանկարչական ցուցահանդես, որից մենք  որեւէ  տեղեկություն  չենք ունեցել: Մենք  փորձեցինք  ՀՀ  Մշակույթի նախարությունից տեղեկանալ, թե ինչու  չեն նրանք մեզ «հրավիրել» այդ ասուլիսին, եւ ինչու  են մեր անունից երկու օր շարունակ  նույն թեմայի շրջանակներում հաղորդագրություններ  տարածել ԶԼՄ-ներով, սակայն, այնտեղից մենք ստացանք հետեւյալ  պատասխանը. «Մեզ  այդ ցուցահանդեսի կազմակերպիչները շատ ուշ ժամի են դիմել, ասելով, Ձեր ակումբում են ցանկանում  ասուլիս կազմակերպել, մենք էլ հաղորդագրությունը տարածել ենք   լրատվամիջոցներին: Որ ուզենայինք էլ Ձեզ հետ չէինք  կարող կապ հաստատել»: Մենք  շատ  ուրախ  կլինեինք, եթե ՀՀ Մշակույթի   նախարարությունը, օրինակ, մի օր էլ  ուշ  ժամի պատճառով  չկարողանար, օլիգարխիայի կարկառուն ներկայացուցիչների հետ կապվել` արդյունքում  «փրկելով»  պատմամշակութային այն արժեքները, որոնց վրա իր «թաթն» է  դրել  հայրենի օլիգարխիան: