Գործող ՀՀԿ-ականները դարձյալ ընտրվել են․ ՏԻՄ ընտրության արդյունքներ

Երեկ քաղաքապետի ընտրություններ էին Արագածոտնի մարզի Թալին քաղաքում։

Գրանցված 3 թեկնածու կար։ Հիմնական պայքարն ընթացել է ՀՀԿ-ի թեկնածու, գործող քաղաքապետ Սարգիս Արամյանի և ՀՅԴ-ի թեկնածու Տիգրան Հարությունյանի միջև:

Ըստ Կենտրոնական ընտրական հանձնաժողովի՝ ՀՀԿ-ական գործող քաղաքապետ Սարգիս Արամյանը ստացել է 1.993 ձայն, ՀՅԴ-ի թեկնածուն՝ 1.036
ձայն: «Հայկական վերածնունդ» կուսակցության թեկնածուն ստացել է 168 քվե։

Բյուրեղավան քաղաքում ձայների ճնշող մեծամասնությամբ նույնպես վերընտրվել է գործող քաղաքապետը` ՀՀԿ-ական Հակոբ Բալասանյանը։ Վերջինիս օգտին գրանցվել է 2.502 ձայն։

Թեկնածուներից Էդիկ Պողոսյանը ստացել է միայն 601 ընտրողի քվե։

Լոռու մարզի Սպիտակ քաղաքում պատկերը նույնն է։ Քաղաքապետ Գագիկ Սահակյանը վերընտրվել է։ Մյուս թեկնածուն Վանիկ Ասատրյանն է, ով նույնպես հանրապետական է, ստացել է 2.933 ձայն։

Գործող ղեկավարը վերընտրվել է նաև Արագածոտնի մարզի Վերին Սասնաշեն գյուղում։

Գյուղապետ Անդրանիկ Պողոսյանը ստացել է 170 ձայն և ընտրվել։

Արմավիրի մարզում գործող ՀՀԿ-ական գյուղապետ Սեյրան Մարկոսյանն, իր օգտին ստանալով ընտրողների ձայների գերակշռող մասը, վերընտրվել է։

Իսկ Արմավիրի մարզի Աղավնատուն գյուղում գործող հանրապետական գյուղապետ Աշոտ Գրիգորյանը պարտվել է անկուսակցական թեկնածուին։

Քանաքեռավանում թեկնածուներից Հայկ Սարգսյանը մոտ 1000 ձայնով հաղթել է գործող ՀՀԿ-ական գյուղապետ Ջիվան Քամալյանին։

Գեղարքունիքի մարզի Զոլաքար, Սյունիքի մարզի Վարդավանքի, Կոտայքի մարզի Հատիս, Արարատի մարզի հինգ համայնքներում, Լոռու մարզի Սարչապետ և ընտրություններ նշանակված մի շարք գյուղերում դարձյալ գործող գյուղապետներն ընտրվել են։Նյութի աղբյուրը ` http://newsbook.am/?80511&l=am/