Գորիս-Կապան ճանապարհը Խորհրդային Հայաստանն է կառուցել. Պատմաբանը բացառիկ մանրամասներ է ներկայացնում

«1964 թվականին Գորիս-Կապան ճանապարհը Խորհրդային Հայաստանն է կառուցել եւ միշտ օգտագործել է իր համար: Այսինքն` այդտեղ Ադրբեջանի մասին խոսք չկա: Այսօր հայտարարություններ են արվում, ադրբեջանական գյուղերի անուններ են հնչում, դա խայտառակություն է, այդպիսի բան գոյություն չունի: Փաստորեն մենք մեր ձեռքով մեր տարածքները կարծես տալիս ենք: Դա շատ սխալ է, մենք պետք է կարողանանք մեր տարածքները պաշտպանել»,- անդրադառնալով Գորիս-Կապանի ճնապարհատվածին տեղադրված ադրբեջանական մաքսակետին, ասաց հայտնի պատմաբան ԷԴԻԿ ՄԻՆԱՍՅԱՆ, ընդգծելով.

-Թուրքը միայն ուժն է ճանաչում և ուժի հետ է հաշվի նստում: Մենք զիջելով` կհասնենք նրան, որ նրանք արդեն ոգևորված են էն մտքով, թե Արցախն իրենցն է: Անվտանգության մեր գոտին կրճատվել է, և այսօր մեր սահմանամերձ այդ շրջանները վտանգի տակ են: Այս մոտեցումը շատ վտանգավոր տենդենց է, պետք է այս տենդենցը կանխվի, դրա համար զիջումների քաղաքականությունը սխալ է, մենք չպետք է գնանք զիջումների: Հասկանալի է, որոշակի խնդիրներ կան, բայց դրանց լուծման համար պետք է մեր ճշմարտությունը ներկայացնել:

-Պարոն Մինասյան, ըսաը էության որեւէ իրավական հիմք չկա՞, որ այդ տարածքները պետք է լինեն իրենց վերահսկողության տակ:
-Ոչ, իրավական հիմքեր չկան, դրանք պատմական առումով մեր տարածքներ են: Մենք նաև մոռանում ենք Արցախի հարցը: Երբ 1991 թվականի օգոստոսի 30-ին Ադրբեջանի Գերագույն խորհրդի նիստը գումարվեց, նրանք որոշեցին, որ ճանաչում են իրենց անկախությունը ոչ թե որպես Խորհրդային Ադրբեջանի իրավահաջորդ, այլն 1918-1920 թվականի Ադրբեջանի:
Իսկ այդ ժամանակ Արցախն Ադրբեջանի մաս չի կազմել: Իսկ եթե Արցախն Ադրբեջանի մաս չի կազմել, ինչո՞ւ մենք չենք պնդում այդ փաստը: Ես միշտ ասել եմ` բա դաշտային Արցախի խնդիրը ինչո՞ւ չեք դնում բանակցություններում, որպեսզի նրանցից կարողանանք զիջումներ կորզել:

Iravunk.com

 ԻԼՈՆԱ ԱԶԱՐՅԱՆ