«Գուշակիր մեղեդին» միջազգային սիրված նախագիծը կլինի Հանրային հեռուստաընկերության եթերում

Հայաստանի հանրային հեռուստաընկերությունն իր նոր եթերաշրջանում հեռուստադիտողների դատին կհանձնի միջազգային ամենասիրված երաժշտական նախագծերից մեկը: Սեպտեմբերից Առաջին ալիքի եթերում կլինի «Գուշակիր մեղեդին» երաժշտական, ժամանցային նախագիծը, որը կվարի հաղորդավար Ավետ Բարսեղյանը:

Հաղորդման հյուրերը կլինեն հասարակական- քաղաքական, մշակութային եւ շոու-բիզնեսի այն ներկայացուցիչները, ովքեր մելոման են, սիրում են տարբեր ոճերի երաժշտություն: Հենց նրանք կմրցեն եւ իրենց երաժշտական գիտելիքները կփոխանցեն Հանրայինի հեռուստադիտողներին:

Նկարահանումներին կմասնակցեն Հայաստանի հանրային հեռուստառադիոընկերության էստրադային եւ սիմֆոնիկ նվագախմբի անդամները, գեղարվեստական ղեկավար եւ գլխավոր դիրիժոր Երվանդ Երզնկյան:

Հաղորդման մասին մանրամասներին կարող եք պարբերաբար ծանոթացանալ Հանրային հեռուստաընկերության (https://www.facebook.com/PublicTVArmenia) եւ Գուշակի մեղեդին (https://www.facebook.com/gushakirmeghedin?fref=ts) հաղորդման ֆեյսբուքյան էջերից, ինչպես նաեւ Առաջին ալիքի պաշտոնական կայքից (www.1tv.am):

Առաջին ալիքը Ձեզ հաճելի դիտում է մաղթում: