Գյումրեցի փոքրիկի հարցով կկազմակերպվի բժշկական 2-րդ կոնսիլիումը

Shabat.am-ը գրում է. Արմեն Մուրադյանն այցելեց Գյումրիից Երևան տեղափոխված երեխային
Գյումրիում տեղի ունեցած միջադեպի հետևանքով Ավստրիական հիվանդանոցում
վիրահատված վեց ամսական Սերյոժա Ավետիսյանը, Երևանի «Սուրբ Աստվածամայր»
բժշկական կենտրոնի մանկական վերակենդանացման բաժնի վարիչ Աննա Չոբանյանի
ուղեկցությամբ տեղափոխվել է կենտրոնի վերակենդանացման բաժանմունք։ Երեխայի
վիճակը գնահատվում է կայուն ծանր, միացված է արհեստական շնչառության սարք:
Փոքրիկին այցելել է ՀՀ առողջապահության նախարար Արմեն Մուրադյանը:

«Երեկ երեկոյան Երևանից Գյումրի է մեկնել առաջատար մասնագետների խումբ,
որը գիշերն այնտեղ է անցկացրել: Առավոտյան երեխային հաջողվել է տեղափոխել «Սուրբ Աստվածամայր» բժշկական կենտրոն, ուր ավելի հագեցված հնարավորություններ կան: Այս պահին հիմնական գործողությունները և աշխատանքներն ուղղված են նրա առողջական վիճակի կայունացմանը և հակաշոկային վիճակի հաղթահարմանը»,-լրագրողների հետ զրույցում նշեց Արմեն Մոյրադյանը` հավելելով, որ Սերյոժա Ավետիսյանն ապահովված է անհրաժեշտ բոլոր դեղորով և բժշական պարագաներով:
Երեխան վիրահատական միջամտության կարիք չունի, սակայն տուժել են նրա մի
շարք հյուսվածքները: Արմեն Մուրադյանը հավաստիացրեց, որ մասնագեները ջանք չեն խնայում փոքրիկի առողջական վիճակը կայունացնելու, հակաշոկային բոլոր անհրաժեշտ գործողությունները կատարելու համար:

մանրամասները՝ սկզբնաղբյուրում