Գյումրիի դաժան սպանության նոր վարկած

Lragir.am-ը գրում է .
Մամուլը գրում է, որ մոտ ժամանակներս Ռուսաստանի քննչական կոմիտեն Հայաստանի ՔԿ-ին է փոխանցելու Պերմյակովի գործը: Հայտնի չէ, թե արդյոք գործի հետ Պերմյակովն էլ կփոխանցվի:

Սակայն օրերս տեղեկություն է տարածվել Պերմյակովի գործի շարունակության վերաբերյալ, ընդ որում, Ռոստովում: Ռոստովի կայազորային դատարանը կալանավորել է Հարավային ռազմական շրջանի մատակարարման ծառայության պետի տեղակալ գնդապետ Դենիս Զորինին:

Զորինը մեղադրվում է Հայաստանում ռուսական ավիացիոն բազայի կարիքների համար նախատեսված 450 միլիոն ռուբլու պարենի յուրացման մեջ:

Donday-ը տեղեկացնում է, որ բազմամիլիոն յուրացումների փաստերը բացահայտվել են Գյումրիում դաժան սպանության հետաքննության ժամանակ: Պարզվել է, որ ժամկետային զինծառայողները հաճախ լքել են զորամասը սնունդ փնտրելու համար: Պարզ ասած, նրանք թերսնվում էին, իսկ բազայի համար նախատեսված պարենն իրացվում էր շուկաներում եւ տարբեր մանրածախ ցանցերում:

Հարցը, թե ինչու է Պերմյակովը դուրս եկել բազայից, եկել Ավետիսյանների տուն եւ սառնասրտորեն սպանել ողջ ընտանիքին, պատասխան չունի: Վարկածների բացակայությունը ենթադրություններ է ծնում, որ դա Պերմյակովը չի եղել, կամ մենակ չի եղել, այլ բազայի զինվորների խմբի հետ:

Կարելի է ենթադրել, որ վարկած է մշակվում՝ իբր առավոտյան 6-ին քաղցած Պերմյակովը քաղաք է դուրս եկել, սնունդ խնդրել Ավետիսյանների ընտանիքից, անհյուրըննկալ հայերը մերժել են, եւ նա՝ սոված ու գազազած, սպանել է նրանց:

Մանրամասն ՝ սկզբնաղբյուրում: