Հանգուցյալ ՀՀԿ-ականի կինը պնդում է՝ վարչապետի որդու պատճառով կարող է կորցնել ժառանգությունը.VIDEO

Ամիրյան փողոցում գործող «Նացիոնալ» հյուրանոցային համալիրի շուրջ կրքերը չեն հանդարտվում:

Ազգային ժողովի ՀՀԿ խմբակցության նախկին անդամ, հանգուցյալ Մելիք Գասպարյանի կինը՝ Վարդա Մկրտչյանը պնդում է, որ ամուսնու մահից հետո կառուցապատման աշխատանքները վստահել են վարչապետի որդուն՝ Արգամ Աբրահամյանին, քանի որ անհրաժեշտ գումար չեն ունեցել՝ շենքն ավարտուն տեսքի բերելու համար: Սակայն, ըստ տիկնոջ, կրտսեր Աբրահամյանը չի կատարել նախապես ձեռք բերված պայմանավորվածությունները և իրենք կանգնած են ամուսնու թողած ժառանգությունը կորցնելու վտանգի առաջ:

«Շենքը կառուցվել է ամուսնուս կողմից, նրա մահից հետո շենքի շինարարությունը վերցրել է վարչապետի որդին՝ Աբրահամյան Արգամը, պարտավորություն է ստանձնել, որ պետք է շենքի ավարտը տեսնենք։ Այսօր և շինարարությունն է կանգնել, և ստեղծվել է մի իրավիճակ, երբ ես և իմ անչափահաս որդին կորցնում ենք մեզ պատկանող ժառանգությունը»,- ասաց Մկրտչյանը։

«Ազատության» հարցին, թե ի՞նչ անհամաձայնության ու ժառանգության մասին է խոսքը, տիկին Մկրտչյանը պատասխանեց՝ չակերտները բացելուց առաջ ուզում է նախ հանդիպել վարչապետի հետ:

«Հուսով եմ, որ վարչապետը ժամանակ կգտնի, և մեր հանդիպումը կկայանա։ Մեկ Հայաստան, մեկ վարչապետ, խնդիրները շատ են, իհարկե, հասկանալի է։ Հիմա հուսով եմ, որ մոտ օրերս կկայանա այդ հանդիպումը, կստանամ այն հարցերի պատասխանները, որոնք ինձ շատ երկար տարիներ տանջում են»,- նշեց նա։

մանրամասներն` այստեղ: