Հանքավանում նոր գյուղապետ են ընտրում

Կոտայքի մարզի Հանքավան համայնքում այսօր գյուղապետի արտահերթ ընտրություն է:

Համայնքի ղեկավարի պաշտոնի միակ հավակնորդը գյուղապետի տեղակալ, ինքաառաջադրված անկուսակցական Շահեն Հակոբյանն է, ով նախկին գյուղապետի եղբայրն է:

Նախկին գյուղապետ Հակոբ Հակոբյանը հրաժարական է տվել՝ պայմանավորված առողջական վիճակի վատթարացմամբ և արտերկրում բուժման անհրաժեշտությամբ:

«Փաստինֆո»-ն ավելի վաղ տեղեկացրել էր, որ նախապես ինքնառաջադրվել էր նաև ոչ մի տեղ չաշխատող Սելվինազ Պետրոսյանը, ով սահմանված ժամկետում հրաժարվել է հետագա ընտրապայքարից: Վերջինս, ինչպես նաև Հակոբյան եղբայրները, ըստ ընտրողների ռեգիստրի, հաշվառված են Հանքավանում՝ նույն հասցեում: