Հանուն կենդանիների պաշտպանության (Foto)

Երեկ երեկոյան, Սիրահարների այգում, «Արևորդի» բնապահպանական փառատոնի շրջանակներում ելույթ է  ունեցել  Գերմանիայից ժամանած «Կոնֆուսաո Սամբա» խումբը:  Արդեն հինգերորդ տարին անընդմեջ խումբը գալիս է Հայաստան ամենամյա դիմակահանդես-շքերթը գլխավորելու: Դիմակահանդեսը նվիրված է կենդանիների պաշտպանությանը. «Ամեն տարի Հայաստանի տարբեր անկյուններից երեխաները գալիս են մասնակցելու  իրենց յուրահատուկ հանդերձներով, որոնք պատրաստված են թափոն հանդիսացող նյութերից, այսինքն պլաստիկից կամ իրենց տանը հավաքված ոչ պիտանի իրերից: Երթի են ելնում ամբողջ քաղաքով մեկ և մարդկանց իրազեկում են կենդանիների իրավունքների մասին»,- Forums.am-ի հետ զրույցում ասաց Վայրի բնության և մշակութային արժեքների պահպանման  հիմնադրամի ծրագրերի համակարգող Սաթենիկ Սարգսյանը:

Զառա ՂԱԶԱՐՅԱՆ

[nggallery id=84]