Հայրն առևանգել է դստերը

Փաստինֆոն գրում է. Հունվարի 23-ին Երևանում բնակվող 40-ամյա կինը ոստիկանությունում հաղորդում է տվել այն մասին, որ դեկտեմբերի 5-ին նախկին ամուսինն առևանգել է իր 8 տարեկան դստերը, և մինչ օրս ինքը չգիտի նրանց գտնվելու վայրը:

Կինը նաև հայտնել է, որ նախկին ամուսնուն դստերն առևանգելու գործում օգնել է նրա ընկերը: Կնոջ տեղեկություններով՝ նրանք երկուսն էլ բնակվում են Աբովյանում, չեն աշխատում:

Իրավապահներն այժմ միջոցառումներ են ձեռնարկում՝ հորն ու դստերը հայտնաբերելու, կնոջ ներկայացրած փաստերն ստուգելու ուղղությամբ: