ՀԵՐՈՍ ՉԵՆ ԴԱՌՆՈՒՄ,ՀԵՐՈՍ ԾՆՎՈՒՄ ԵՆ…

<<Ես կարող էի դառնալ նրանցից մեկը,ովքեր զոհվեցին պատերազմում:
Իմ այսօրվա համար ես պարտական եմ նրանց>>:
Արշավիր Ղարամյան

Արշավիր Սուրենի Ղարամյանը ծնվել է 1965թ. հուլիսի 22-ին Ասկերանի շրջանի Ակնաղբյուր գյուղում: Իր աշխատանքային գործունեության ընթացքում Արշավիր Ղարամյանն արժանացել է ԱՀ <<Արցախի հերոս>> կոչմանը, <<Ոսկե արծիվ>>,<<Մարտական խաչ>> 1-ին և 2-րդ աստիճանների շքանշաններին, <<Շուշիի ազատագրման համար>> մեդալին, <<Մարշալ Բաղրամյան>> մեդալին, <<Մայրական երախտագիտություն Արցախի Քաջորդիներին>> մեդալին, <<Դրաստամատ Կանայան>> մեդալին, ինչպես նաև <<ՀՀ Դատախազության պատվավոր աշխատող>> կրծքանշանին ,<<ՀՀ Անվտանգության պատվավոր աշխատակից>> կրծքանշանին և <<Անվտանգության մարմինների պատվավոր աշխատակից>> կրծքանշանին:

Բազմամյա աշխատանքային գործունեության ընթացքում Ա. Ղարամյանը մասնակցել և այժմ էլ շարունակում է մասնակցել բարեգործական մի շարք նախագծերի, ինչպես,օրինակ,եկեղեցիների կառուցման և վերանորոգման, դպրոցական գույքի հատկացման գործին և այլն: Նա միշտ կանգնած է հայ ժողովրդի կողքին, պատրաստակամորեն աջակցում է յուրաքանչյուր խնդրի, տալով համակողմանի և ճշգրիտ լուծում:
Այսպիսի դրական հատկանիշներով օժտված քաղաքական գործիչը <<թիրախավորվել>> է բազմաթիվ կեղծ կայքերի և լրատվամիջոցների կողմից: Որոշ ադրբեջանցի օգտատերեր, ովքեր գրանցված են հայկական անունների ներքո, վերջին օրերին կեղծ լուրեր են տարածում հատկապես նրա անցած մարտական ուղղու մասին: <<Ֆեյսբուք>> սոցիալական ցանցը, փաստորեն, դարձել է այն հարթակը, որտեղ մարդիկ, իրականությունը բարձրաձայնելուց բացի, ապատեղեկատվություն են տարածում, ինչն էլ վտանգում է մեր երկրի անվտանգությունը:Այսպիսի ապատեղեկատվությունը, տեղ գտնելով սոցիալական ցանցերում,դառնում է բուռն քննարկման առարկա:Հասարակության որոշ շերտեր հիմք են ընդունում ապատեղեկատվությունը առանց վերլուծելու, համոզվելու դրա հավաստիության մեջ,արդյունքում անհիմն մեղադրանքներ են հնչեցնում մեկնաբանությունների տեսքով:
Յուրաքանչյուր ինֆորմացիա պետք է մի քանի անգամ մշակվի, որից հետո միայն մատուցվի հանրությանը:Արշավիր Ղարամյանի անձի և գործունեության վերաբերյալ ցանկացած թյուր ինֆորմացիա տարածող լրատվամիջոց պե ՛տք է ենթարկվի պատասխանատվության:
Կո ՛չ եմ անում հանրությանը չհավատալ Արշավիր Ղարամյանի անձի և գործունեության վերաբերյալ կեղծ և իրականությանը բոլորովին չհամապատասխանող որևէ ինֆորմացիայի և այն ընկալել որպես ինքնահաստատման միջոց, ստահոդ տեղեկատվություն, չարակամ վերաբերմունք Արցախի հերոսի հանդեպ:
Ա. Ղարամյանը Արցախի հերոս է, իսկ հերոսին պե՛տք է մեծարել և ոչ թե հակառակը:Նա իր կյանքն է ներդրել արցախյան գոյամարտում, պայքարել հանուն հայ ժողովրդի բարեկեցության և խաղաղ կյանքի: Այսքանից հետո ապատեղեկատվությունը որպես բացարձակ ճշմարտություն ներկայացնող և նրա անձի շուրջ թյուր կարծիք ձևավորող անձինք չպե՞տք է պատժվեն օրենքի ողջ խստությամբ:

<<Հայաստանցին ու արցախցին էլ եղբայրական ժողովուրդներ չեն, որովհետև մենք մեկ միասնական մարմին, սիրտ, հոգի ու արյուն ենք, մենք ՀԱՅ ենք»

Արշավիր Ղարամյան

Հեղինակ` Կարեն Շիրինյան