Հիստերիկ կինը խոհանոցում իրեն գրկող ամուսնու հետ վիճել ու դանակով հարվածել է նրա որովայնին

Վերաքննիչ քրեական դատարանի վարույթում է Սեդա Գ.-ի գործի դատական քննությունը:

Գործը քննվել է Շենգավիթ վարչական շրջանի ընդհանուր իրավասության դատարանում Նելլի Բաղդասարյանի նախագահությամբ:

50-ամյա Սեդան մեղավոր է ճանաչվել տուժողի առողջությանը դիտավորությամբ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Տուժողը Սեդայի փաստական ամուսինն է:

Ըստ դատական ակտի՝ 2013 թվականի դեկտեմբերի 15-ին, ժամը 20-ն անց 15-ի սահմաններում իրենց բնակարանում ամուսինները վիճաբանել են, որի ընթացքում Սեդան խոհանոցային դանակով հարվածել է ամուսնու որովայնին՝ որովայնի առաջնային պատի կտրած-ծակած թափանցող վնասվածքի ձևով նրա առողջությանը պատճառելով կյանքին վտանգ սպառնացող ծանր վնաս:

Սեդան ու Մհերը փաստական ամուսնական հարաբերությունների մեջ են եղել: Շուրջ 4 տարի նրանք համատեղ են ապրել:

2013 թվականի դեկտեմբերի սկզբին ամուսինը չարաշահել է ալկոհոլը, ինչի պատճառով կնոջ հետ հաճախակի վեճերի մեջ է մտել:

Դեկտեմբերի 15-ին, ժամը 15-ի սահմաններում Մհերը դարձյալ ալկոհոլ օգտագործած վիճակում է տուն մտել: Սեդան բարկացել է, վիճել է Մհերի հետ, ապա գնացել է հարևանուհու տուն, պատմել է կատարվածը:

Սեդան ու հարևանուհին միասին գնացել են խանութ՝ «շոփինգի»:

Սեդան տուն է վերադարձել ժամը 20-ի սահմաններում և շարունակել է նախատել ամուսնուն՝ խմելու համար:

Մհերը վիրավորել է կնոջը, նրանց միջև քաշքշոց է սկսվել, որի ընթացքում Սեդան խոհանոցի դարակից վերցրել է դանակը ու հարվածել Մհերի որովայնին:

Սեդան նախաքննության ժամանակ իրեն մեղավոր է ճանաչել: Նա հայտնել է, թե ինքը չի աշխատել, իսկ Մհերը իր «ՎԱԶ-2107» մակնիշի մեքենան վարել է որպես տաքսի:

մանրամասները`1in.am-ում: