Հրանտ Գրիգորյանը՝մեր թեկնածուն է.նա լուրջ կշիռ եւ ազդեցություն ունի Արմավիրի մարզում

Սույն թվականի ապրիլի 2-ին կայանալիք ԱԺ համապետական ընտրությունների քարոզարշավից անցել է մոտ 20 օր: Այս օրերին կուսակցություններն ու դաշինքներն անում են հնարավորը՝ ակտիվ հանդիպումներ ունենալու , եւ հնարավորինս իրենց մասին կրկին անգամ հիշեցնելու համար:
Այս օրերին ահել ու ջահել՝ յուրովի են փորձում ընտրողին հավատացնել ու վստահություն ներշնչել, որ օրվա թեկնածուներն ամեն ինչ անում են՝հանուն ընտրողի ու նրանց շահերի: Իհարկե ոչ բոլորին հաջողութմ այդ թոզը փչել ընտրողի ու հասարակության աչքին, բայց եւ իրականում կան թեկնածուներ՝հատկապես ռեյտինգային ընտրացուցակում, ովքեր ըաստ էության ոչ հեքիաթներ պատմելու, եւ ոչ էլ հանրության աչքին թոզ փչելու խնդիր ունեն:
Կան անուններ, որոնց ընտրողը լավ է ճանաչում, եւ առանց ավելորդ սրբագրումների էլ, չի զլանում արդար եւ օբյեկտիվ գնահատակններ տալ՝նրանց հասցեին:

«Տառապանքս փորձ ունի… եկեք խոսեք գնացեք, իսկ ընտրությունն իմն է»-, այս կերպ արձագանքեցին Արմավիրի մարզի ընտրողներից շատերը, երբ փորձեցինք պարզել, թե նախընտրական ինչ տրամադրություններ են տիրում Արմավիրի մարզի թիվ 6 ընտրատարածքում:

Նկատենք, որ այստեղ բացի դաշինքներով առաջադրված թեկնածուներից, հիմնական մրցակցությունն ընթանում է ՀՀԿ-ական թեկնածուների միջեւ, ովքեր անողոք պայքար են տանում միմյանց դեմ: Նշենք, որ այստեղ ՀՀԿ-ն առաջադրել է ՀՀԿ-ականներ՝ Հրաչիկ Աբգարյանին, Հրանտ Գրիգորյանին, Ալեքսան Պետրոսյանին, Սեդրակ Սարոյանին, եւ Առաքել Մովսիսյանին՝ Շմայս: 

Այս անգամ ընտրողների հետ հանդիպումը տեղի ունեցավ հատկապես Էջմիածին քաղաքում, Արշալույս եւ Մեծամոր համայնքներում, ուր ընտրողներից շատերը այսպես ասած կողմնորոշված էին, թե ինչ պիտի անեն ապրիլի 2-ին քվեախցիկի առաջ: Նրանցից շատերը ազատ եւ անկաշկանդ մթնոլորտում նշում էին, որ իրենց նախընտրած թեկնածուն՝ Հրանտ Գրիգորյանն է:
Ի դեպ, բնակիչներից շատերն էին նշում, որ. «Գրիգորյանը շատ զուսպ ու հավասարակշռված մարդ է, ով երբեք ամպագորգոռ հայտարարություններ չի անում, բայց եթե պետք է՝ սատար է կանգնում իր համայնքի բնակչին»:
Եւ ինչպես մեզ հետ զրույցում նկատեց տիկին Թումանյանը. «Մեր Գրիգորյան Հրանտը նորմալ, լուրջ մարդ ա, խելքը գլխին ընտանիքին նվիրված, իր երկրացուն չանտեսող, ու ամենակարեւորը՝ միշտ մեզ հասանելի: Մենք նրան, նրա ընտանիքին շատ ենք հարգում: Նա այս մարզում իրոք հարգանք եւ հեղինակություն ունի: Եւ իրականում նրա հետեւից գնացողների բանակը մեծ է: Ես նրան շատ եմ հարգում»:
Մարզի թոշակառուներից մեկն էլ դժգհում էր, որ. «Մեկին սաղ տարին ուզենաս մի բան ասես, պիտի օրերով հերթ կանգնես, բայց մեր Հրանտը շատ լավ մարդ ա, նորմալ, նամուսով հարգանքով, ու շնորհքով անձնավորություն ա: Կգնամ ու իրան էլ կընտրեմ»:
Տարեցներից ոմանք էլ անկեղծորեն նշում էին, որ չեն մասնակցելու ընտրություններին, ու տեղներից չեն էլ շարժվելու: Իրենց խոսքում նշում էին, որ նեղացած են էսօրվա իրենց ապրած կյանքից ու սոցիալական անարդար պայամաններից:

Արշալույսցիների հետ ունեցած հանդիպման ժամանակ էլ, ինչպես որ սպասվում էր (Դե Հրանտ Գրիգորյանն ու նրա գերդաստանն այստեղ իրոք լուրջ ազդեցություն եւ կշիռ ունեն, վերջին հաշվով Արշալույս համայնքում կայացած ՏԻՄ ընտրությունների ժամանակ Գրիգորյանի եղբայրը՝ Զարզանդ Գրիգորյանը ջախջախիչ հաղթանակ տարավ)միահամուռ կերպով նշում էին, որ իրենց թեկնածուն Հրանտ Գրիգորյանն է: Եւ ինչպես նշեց արշալույսցի մի մանկավարժ. «Չի քննարկվում՝մենք մեր Հրանտի, մեր Գրիգորյանի հետ ենք: Էդ էլ հարց ա՞, ում ենք ընտրելու: Իհարկե՝ մեր Հրանտին: Իզուր մի խառնեք իրար: Ինքը արտակարգ լավ անձնավորություն ա, իրա քրտինքով ապրող մարդ ա, ու կարեւորը՝ մեզ հենարան ա: Մեր տղեն ա ինքը»:

Ի դեպ, գյուղի օրվա հոգսով ապրող ու հողի հետ կռիվ տվող բնակիչներից շատերը նույնպես անկեղծացան, ու նշեցին, որ կողմնորոշված են իրենց ընտրության մեջ եւ գնալու են Հրանտ Գրիգորյանի ու նրա ծրագրերի հետեւից: «Մեր Հրանտի մեջ կարգին մարդու արյուն կա, նա լավ մարդու զավակ է, լավ հայ ընտանիքի օրինակ են, Հրանտն ուրիշ ա.իրա հետ ոչ մեկին չխառնեք: Մեր Գրիգորյանի դուռը բոլորիս համար էլ բաց ա, մենք ուրիշներին չենք էլ լսում ու ցանկություն էլ չունենք լսելու»:
Հավելենք, որ համայնքի երիտասարդ ակտիվը նունպես սատարում էր Հրանտ Գրիգորյանի թեկնածությունը, ու նշում, որ Գրիգորյանը իրենց համար լուրջ հեղինակություն ունեցող մարդ է, կարգին երկրացի, ում նորից կցանկանան տեսնել ՀՀ խորհրդարանում:
Արշալույսցի մի տիկին էլ, ով գյուղի հնաբնակներից էր, իր խոսքում նշեց. «Մեր աչքի առաջ է մեծացել մեր Հրանտը. լավ ծնողների որդի է։ Որպես ռեյտինգային թեկնածու նա այսօր այն թեկնածուներից է, ով միշտ հետաքրքրված է իր հող ու ջրի մարդկանց ապրելակերպով, նիստ ու կացով։ Դա շատ թանկ հատկանիշ է, այսօր ընտրողին խաբել հնարավոր չի: Ու մենք ուրախ են դրա համար, քանի որ իր պահվածքը, մարդկանց նկատմամբ հարգալից վերաբեմունքը, համեստությունը, դրանք նրա այն լավ կողմերն են, որոնք ավելի են բարձրացնում մեր Հրանտի կշիռը,-այսպես են բնութագրում թեկնածուին իր հայրենի բնօրրանում:

Հրանտ Մերուժանի Գրիգորյանը

Ծնվել է 1966թ. նոյեմբերի 23-ին Էջմիածնի շրջանի Արշալույս գյուղում:

2000թ. ավարտել է Էջմիածնի «Գրիգոր Լուսավորիչ» համալսարանը: Տնտեսագետ:

1983-1985թթ. աշխատել է Արշալույս գյուղի կոլտնտեսությունում: 1985-1987թթ. ծառայել է խորհրդային բանակում: 1989-1996թթ. եղել է երկրապահ ջոկատի մարտիկ, վաշտի հրամանատարի տեղակալ: Ծառայել է ՀՀ ԶՈՒ-ում. 1995թ. եղել է վաշտի հրամանատար: ԵԿՄ Էջմիածնի տարածքային բաժանմունքի նախագահ: 1996-1997թթ. եղել է Էջմիածնի հացի գործարանի տնօրեն:

1999-2003թթ.` Ազգային ժողովի պատգամավոր (թիվ 37 ընտրատարածք): Ազգային ժողովի պաշտպանության, ազգային անվտանգության եւ ներքին գործերի մշտական հանձնաժողովի անդամ: «Միասնություն» խմբակցության, ապա «Հայաստան» պատգամավորական խմբի անդամ:

2003-2007թթ.` Ազգային ժողովի պատգամավոր (թիվ 28 ընտրատարածք): Ազգային ժողովի պաշտպանության, ազգային անվտանգության եւ ներքին գործերի մշտական հանձնաժողովի անդամ: ՀՀԿ խմբակցության անդամ:

2007-2012թթ.` Ազգային ժողովի պատգամավոր (թիվ 20 ընտրատարածք): Ազգային ժողովի պաշտպանության, ազգային անվտանգության եւ ներքին գործերի մշտական հանձնաժողովի անդամ:

2012թ. մայիսի 6-ին Ազգային ժողովի պատգամավոր է ընտրվել թիվ 20 ընտրատարածքից:

Պարգեւատրվել է «Մայրական երախտագիտություն» մեդալով (1995թ.), 2-րդ աստիճանի Մարտական խաչ շքանշանով (1996թ.), «Մարշալ Բաղրամյան» (2001թ.), «Անդրանիկ Օզանյան» (2003թ.) եւ «Վազգեն Սարգսյան» (2003թ.) մեդալներով:

Ամուսնացած է, ունի հինգ  երեխա: