Հրդեհ «Մերձմոսկովյան ՃՇՇ» ՓԲԸ-ի պահակակետում. կա զոհ

Դեկտեմբերի 28-ին, ժամը 09.49-ին ՀՀ տարածքային կառավարման և արտակարգ իրավիճակների նախարարությունում ահազանգ է ստացվել, որ Շիրակի մարզի Ախուրյան գյուղի Գյումրու խճուղի թիվ 1 հասցեում գտնվող «Մերձմոսկովյան ՃՇՇ» ՓԲԸ տարածքում այրվում է վագոն-տնակ:

Դեպքի վայր է մեկնել մեկ մարտական հաշվարկ:

Պարզվել է, որ հրդեհ է բռնկվել «Ախուրյանի ՃՇՇ» ՍՊԸ-ին պատկանող 12 քմ մակերեսով քարե շինությունում` պահակակետում, որտեղ տարբեր աստիճանի այրվածքներով հայտնաբերվել է Վ. Վ.-ի (ծնվ. 1947 թ) դին:

Հրդեհը մեկուսացվել է ժամը 10.09-ին, մարվել` 10.28-ին:

Այրվել են անկողնային պարագաներ: