HSBC բանկը դադարեցնում է իր գործունեությունը Թուրքիայում

Ermenihaber.am-ի տեղեկացմամբ՝ HSBC բանկը, որը հանդիսանում է աշխարհի ամենախոշոր բանկերից մեկը, որոշել է դադարեցնել ծառայությունների մատուցումը Թուրքիայում և վաճառքի է հանել այդ երկրի մասնաճյուղը:

Բանկի Թուրքիայի մասնաճյուղի ղեկավարության կողմից տարածված հայտարարության մեջ ասվում է, որ ծառայությունների մատուցումը կշարունակվի մինչև վաճառքի իրականացումը:

Թուրքական «Milliyet» թերթի կայքի հաղորդմամբ` 2014 թվականի դրությամբ HSBC բանկը Թուրքիայում ծառայություն էր մատուցում մասնաճյուղային 298 գրասենյակներով:

Բանկը, որի կենտրոնը գտնվում է Լոնդոնում, ծառայություն է մատուցում աշխարհի 73 երկրներում ավելի քան 6.100 գրասենյակների միջոցով:

Բանկի այս քայլը պայմանավորված է ծախսերը կրճատելու անհրաժեշտությամբ, որն հարկավոր է ֆինանսական կայունությունը պահպանելու համար:

Նշվում է նաև, որ HSBC Turkiye-ով հետաքրքրված է չինական ICBC բանկը: