Ինչպես կարելի է պլանավորել ապագա երեխայի սեռը. գիտականորեն հիմնավորված մեթոդ

Երեխան տղա կլինի, թե աղջիկ: Մասնավորապես Հայաստանում այս հարցը խիստ է դրված: Մեծ մասը ցանկանում են, որ իրենց առաջնեկը տղա լինի: Այս խնդիրը ունի նաև իր ցավոտ կողմերը, ինչի պատճառով Հայաստանում սելեկտիվ աբորտների թիվը տարեցտարի աճում է: Ինչևէ այս հոդվածում մենք կփորձենք անդրադառնալ ամենանուրբ հարցերից մեկին՝  ապագա երեխայի սեռին: Իհարկե, կան բազմաթիվ ազգային ու ավանդական մեթոդներ, որոնցով, ըստ ժողովրդական մոտեցումների, հնարավոր է ծրագրել ապագա երեխայի սեռը: Սակայն Aroxj.am-ը կներկայացնի գիտականորեն հիմնավորված մեթոդը: Եվ այսպես ինչպես անել, որպեսզի ծնվի աղջիկ կամ տղա, ինչպես ծրագրել դա:

Երբ և ինչպես է որոշվում ապագա երեխայի սեռը

Եթե կենսաբանության դասերը դեռ հիշում եք, ապա կհիշեք նաև որ գոյություն ունեն քրոմոսոմների երկու տեսակները` X և Y: Ապագա երեխայի սեռը որոշվում է, անմիջապես երկու սերմերի միացման պահին: Ավելին, սեռի որոշման ինֆորմացիան կրում է հայրը, այլ ոչ մայրը: Այնպես, որ եթե որևէ մեղադրանքներ կան կապված երեխայի սեռի հետ, ապա դա պետք է ուղղել միայն երեխայի հորը: Բոլոր կանանց ձվաբջիջներ կրում են միայն X քրոմոսոմ, իսկ ահա տղամարդկանց սերմը կրում է X և Y քրոմոսոմներ:

Այսպիսով  բեղմնավորման պահին, եթե ձվաբջիջ է մտնում X քրոմոսոմ կրող սերմը, ապա ստացվում է XX և ծնվում է աղջիկ, իսկ եթե ձվաբջիջ է մտնում  Y քրոմոսոմով սերմ, ապա ստացվում է XY այսինքն՝ տղա:

Ինչպես կարելի է պլանավորել ապագա երեխայի սեռը

Ամենապարզ ձևերից մեկը դա կնոջ մոտ օվուլյացիայի ժամկետների հաշվարկն է: Բեղմնավորումը կարող է իրականանալ միայն այն դեպքում, երբ ձվաբջիջը դուրս գա ձվարանից: Եթե դուք սեռական հարաբերություն եք ունեցել օվուլյացիայից մի քանի օր առաջ, ապա հավանականությունը որ կծնվի աղջիկ, ավելի մեծ է, իսկ եթե սեռական հարաբերությունը համընկել է օվուլյացիայի, այսինքն՝ ձվաբջջի ձվարանից դուրս գալու հետ, կամ դրանից մի քանի օր անց է, ապա հավանականությունը մեծ է, որ կծնվի տղա: Պատճառն այն է, որ կնոջ քրոմոսոմը ավելի ծանր է, դանդաղաշարժ: Միաժամանակ տղամարդու այն սերմը, որը կրում է տղայի ինֆորմացիան ավելի արագաշարժ է, իսկ աղջկանը՝ ավելի, դանդաղաշարժ, բայց նաև ավելի դիմացկուն:

Օվուլյացիայի ժամանակ կնոջ օրգանիզմի միջավայրը  փոխվում և դառնում է առավել թթվային, ինչին առավել հարմարեցված է X քրոմոսոմը՝ այնսինք աղջկա ինֆորմացիան կրող սերմը: Օվուլյացիայից հետո թթվայնության մակարդակը իջնում է, ինչի հետևանքով Y այսինքն տղայի ինֆորմացիան կրող սերմի համար ստեղծվում է ավելի բարենպաստ իրավիճակ և քանի որ այն առավել արագաշարժ է, ապա բեղմնավորումը տեղի ունենում հենց տղայի ինֆորմացիան կրող սերմի հետ: