Իրանի տարօրինակ ժեստը Հայաստանին.Lragir.am

Իրանը կայացրել է մի շարք երկրների քաղաքացիների իր տարածք մուտքի արտոնագրից ազատելու մասին որոշում: Այդ որոշումը պայմանավորված է զբոսաշրջությունը խթանելու նկատառումով (Lragir.am):

Ընդհանուր առմամբ որոշումը վերաբերում է 7 երկրի, որոնց թվում են Հայաստանի բոլոր երեք հարեւանները, բայց ոչ Հայաստանը: Իրանը մուտքի արտոնագիրը վերացնում է Վրաստանի, Ադրբեջանի եւ Թուրքիայի քաղաքացիների համար:

Այդ որոշումը առավել քան տարօրինակ է: Ավելի ճիշտ տարօրինակ է այն, որ Հայաստանը չկա առանց մուտքի Իրանի հետ արտոնագիր հարաբերություն ունեցող երկրների ցանկում:

Ինչու՞ է Հայաստանը բացակայում այդ ցանկից: Իրանը Հայաստանին չի՞ վստահում, Վրաստանին, Ադրբեջանին ու Թուրքիային ավելի՞ է վստահում:

Ինչ խնդիր կա Հայաստանի ու Թեհրանի միջեւ, որ Հայաստանը ներառված չէ Իրանի որոշմանն առնչվող երկրների ցանկում:

Հայաստանի բացակայությունն առավել քան տարօրինակ է, քանի որ Իրանի համար Հայաստանը թերեւս միակն է տարածաշրջանային հարեւաններից, որի հետ չկա որեւէ քաղաքական խնդիր եւ հարաբերությունը գնահատվում է բարեկամական:

Միեւնույն ժամանակ իհարկե հարց է առաջանում, թե արդյո՞ք Իրանը մինչ իր որոշումը քննարկել է այն տվյալ երկրների հետ: Եվ արդյո՞ք քննարկումներ եղել են Հայաստանի հետ, որոնք ավարտվել են անարդյունք եւ դրա համար էլ Հայաստանը դուրս է մնացել առանց արտոնագրի երկրների շարքից:

Հարցերն իհարկե շատ են, որոնք թերեւս առաջիկայում կարժանանան պատկան կառույցների պատասխանների, թե Հայաստանից, թե Իրանից:Նախորդ տարի Հայաստանում Իրանի դեսպան Մուհամմադ Ռեիսին հայտարարել էր, թե հայ-իրանական սահմանին կբացվի Իրանի ԱԳՆ ներկայացուցչություն, որն արտոնագրեր կտա Իրան մուտք գործել ցանկացող հայ զբոսաշրջիկներին: 

Կարդացե՛ք ամբողջությամբ…