Իշխանությունները հավաստիացրել են, որ ընտրություններն արդար են լինելու

Այսուհետ Դիլիջան քաղաքն ու նրա շրջակա 6 գյուղերն կազմելու են միասնական մեկ համայնք:
Իսկ փետրվարի 14-ին կայանալու են Դիլիջան համայնքի ղեկավարի եւ ավագանու ընտրություններ: Հայտնի է, որ այս ընտրապայքարում մասնակցում են առաջադրված թեկնածուներ՝ ՀՀԿ Դիլիջանի շրջանային կազմակերպության ղեկավար, ՀՀԿ Տավուշի տարածքային խորհրդի կողմից համայնքի ղեկավարի թեկնածու առաջադրված, 2005 թվականից Դիլիջանի քաղաքապետ,1968թ.ծնված Արմեն Սանթրոսյանը եւ անկուսակցական, Դիլիջան համայնքի ղեկավարի թեկնածու ինքնաառաջադրված. 1946թ. ծնված Ժորա Սահաբալյանը, ով դիլիջանցիներից շատերի բնորոշմամբ, իր ապրած ու աշխատած տարիների ընթացքում իրեն մշտապես դրսեւորել է, որպես սրտացավ համայնքի ղեկավար: Ով յուրաքանչյուրի հանդեպ միշտ հարգանք ու մարդկային վերաբերմուք է դրսեւորել: Ինչ վերաբերում էր գործող քաղաքապետ Արմեն Սանթրոսյանին, ապա շատերը դժվարացան կոնկրետ դրական քայլեր մատնանշել նրա արած գործերից ու իրականացրած ծրագրերից, նկատելով, որ քաղաքապետն ու իր թիմը կիմանան, թե ինչ են անում..

Մենք փորձեցինք նախ քաղաքապետ Արմեն Սանթրոսյանից ճշտել, թե որպես քաղաքապետ ինչ ծրագրեր է նա կայնքի կոչել իր ղեկավարած համայնքի ու բնակիչների համար, սակայն վերջինս խուսափեց մեր հարցերին պատասխանելուց, ասելով, որ ինքը ներկայացնելու եւ ասելու ոչինչ չունի:
Կարծում եմ այստեղ մեկնաբանություններն ավելորդ են:

Քաղաքապետի մյուս թեկնածու, Դիլիջանի նախկին քաղաքապետ Ժորա Սահաբալյանն էլ մեզ հետ զրույցում համոզմունք հայտնեց, որ ինքը հավատում է փետրվարի 14-ին կայանալիք ընտրություններում իր հաղթանակին: Իսկ թե ի ՞նչ երաշխիքներ կան նման տեսակետ հնչեցնելու համար, թեկնածուն նկատեց.
«Իշխանությունները հավաստիացրել են, որ ընտրություններն արդար են լինելու: Եթե նախկինում ինչ-որ բացթողումներ ու թերացումներ եղել են, ինչը բոնորոշ է եղել բոլոր իշխանությունների ժամանակ, ապա հիմա կարծում եմ, գործող իշխանությունները փորձում են անել հնարավորը՝ ազատ, արդար եւ թափանցիկ ընտրություններ կազմակերպելու համար »:

Ճշտմանը, թե կա՞ն արդյոք ճնշումներ ու խոչընդոտներ ստեղծելու դեպքեր իշխանական թեկնածուի՝ Արմեն Սանթրոսյանի ու նրա շրջապատի կողմից, Ժորա Սահաբալյանը նշեց, որ այս պահի դրությամբ ամեն բան իր բնականոն հունով առաջ է գնում, եւ որ դեռ արտառոց դեպքեր առայժմ չեն գրանցվել:

Իսկ այն հարցին, թե ի՞նչն է իրեն առավել շատ մտահոգել, որ որոշել է կրկին առաջադևվել քաղաքապետի ընտրություններում, եւ թե ի՞նչ նոր ծրագրեր նա կարող է կյանքի կոչել իր հաղթանակի դեպքում, նախկին քաղաքապետը ընդգծեց, որ. «Ինձ համար Դիլիջանը՝ իմ կյանքի իմաստն է: Այն իմ հարազատ ծննդավայրն է, որի համար ես միշտ եմ մտահոգված եղել: Ամենաառաջնահերթը, ըստ իս աշխատատեղեր ստեղծելու, քաղաքի զարգացման համար նոր գաղափարներ ու ծրագրեր մշակելու հարցն է, քանի որ դիլիջանցին, միշտ կարողացել է իր հողում ապրել, արարել ու իր ընտանիքը պահել: Ինձ համար կարեւորը է, որ հնարավորինս կրճատվեն արտագաղթի տեմպերը, որ մարդիկ կապված լինեն, ոչ թե դրսի՝ ՌԴ-ի հետ, այլ իրենց հարազատ հող ուջրի: Սրանք հարցեր են, որոնք ինձ իսկապես մտահոգում են: Ես կարծում եմ, որ մեր ժողովուրդը լավին է արժանի, եւ վստահ եմ, որ կգա մի օր որ մարդիկ առավել արժանապատիվ կյանքով կապրեն»: 

Հավելենք, որ փետրվարի 14-ին կայանալիք համայնքի ղեկավարի ընտրություններում անկուսակցական, 1946թ. ծնված Ժ. Սահաբալյանը թեկնածու է առաջադրվել ինքնառաջադրմամբ: Ժ. Սահաբալյանը Դիլիջանը ղեկավարել է 2002-2005թթ: