Իսկ ո՞վ է արգելում ընդդիմությանը հսկել գործընթացը.VIDEO

Ազգային ժողովում տեղի ունեցավ «Հայաստանի ընտրական օրենսգրքում փոփոխություններ և լրացումներ կատարելու մասին» և «Նույնականացման քարտերի մասին ՀՀ օրենքում փոփոխություն կատարելու մասին» նախագծի քվեարկությունը։ Առաջին ընթերցմամբ 81 պատգամավոր կողմ քվեարկեց, 16-ը՝ դեմ, ձեռնպահ՝ 14:

Հիշեցնենք, որ ՀՀԿ պատգամավորները «Ընտրական օրենսգրքում» եւ «Նույնականացման քարտերի մասին» օրենքում առաջարկում էին փոփոխություն կատարել եւ արձանագրել, որ քաղաքացիները կարող են քվեարկել նաեւ նույնականացման քարտերով՝ այն դեպքում, երբ դրանց վրա չեն կարող դրոշմակնիք դնել:

Նախագիծն ԱԺ-ում բուռն քննարկումների առիթ հանդիսացավ. ավելին, ընդդիմադիր հատվածի նյարդերը չդիմացան, իսկ Հրանտ Բագրատյան–Արծվիկ Մինասյան մենամարտն ուղղակի ցնցող էր... Քաղաքական «ռինգում»  պարոնայք օրենսդիրները նախ փորձում էին պարզել ու ճշտվել, թե ով ումից է ավելի ընդդիմադիր ու  ավելի «քիփ» ներկայիս իշխանությունների հետ: Ինչեւէ, մինչ քաղաքական դաշտում վերջնական հաշիվներ կպարզեն, եւ  հանրությունն էլ գլխի կընկնի ընկեր դաշնակների ու բագրատյանական կրակի բուն պատճառները, Fnews.am-ը նույնականացման քարտերի վերաբերյալ բարձրացած աղմուկի շուրջ մեկնաբանություն խնդրեց ՀՀԿ-ական պատգամավոր Կարինե Աճեմյանից, ով իր խոսքում  հստակ գտնվեց, եւ ներկայացրեց իր տեսակետը ստեղծված իրավիճակի շուրջ: Առավել մանրամասն՝ առաջարկվող տեսանյութում: