Իտալացին Դոմինիկանայից Երևան փոխադրած կոկաինը $18 հազար դոլարով պիտի իրացներ ինչ-որ դոմինիկացու

1in.am-ը գրում է.Վերաքննիչ քրեական դատարանում ընթանում է Վալերիանո Դի Սիմոնեի գործով բերված վերաքննիչ բողոքի քննությունը:

Գործը քննվել է Մալաթիա-Սեբաստիա վարչական շրջանի ընդհանուր իրավասության դատարանում Կարեն Ֆարխոյանի նախագահությամբ:

43-ամյա Վալերիանոն Իտալիայի քաղաքացի է՝ իտալական Լանչանո քաղաքից: Նա 2013 թվականի հոկտեմբերից բնակվել է Դոմինիկյան Հանրապետության Վիլա Սատելիտե քաղաքում, զբաղվել է մեքենաների պահեստամասերի վաճառքով:

Ըստ դատական ակտի՝ Վալերիանո Դի Սիմոնեն 2014 թվականի հունվարին Դոմինիկյան Հանրապետությունում նախնական համաձայնության է եկել ոմն Կառլոսի հետ՝ իրացնելու նպատակով առանձնապես խոշոր չափերի թմրամիջոցներ մաքսանենգությամբ Հայաստանի Հանրապետություն փոխադրելու, Երևանում իրեն ներկայացած դոմինիկացուն թմրամիջոցներն իրացնելու, դրա դիմաց 18 հազար դոլար ստանալու վերաբերյալ:

2014 թվականի փետրվարի 22-ին Վալերիանոն Կառլոսից ստացել է նախապես ճամպրուկի գաղտնարաններում թաքցված 2936,93 գրամ կոկաինը, ավիատոմսը, Երևանի «Դելյուքս» հյուրանոցում իր անվամբ սենյակի ամրագրման փաստաթուղթը:

Փետրվարի 23-ին նա Դոմինիկանա-Մոսկվա-Երևան չվերթով ժամանել է Երևանի «Զվարթնոց» օդանավակայան: Մաքսային հսկողությունից թաքցնելով՝ ՀՀ է տեղափոխել կոկաինը, որի 1941, 25 գրամը հայտնաբերվել է Զվարթնոցի մաքսատան աշխատակիցների կողմից՝ ուղեբեռի զննության ժամանակ՝ ճամպրուկի հետնապատի ու պաստառի միջև տեղակայված գաղտնարանում, իսկ 995,68 գրամը՝ նույն ճամպրուկում գտնվող համակարգչի պայուսակի միջնապատի գաղտնարանում:

մանրամասները՝ սկզբնաղբյուրում