«ԿամԱԶ»-ի վարորդը հայտնվել է ավտոմեքենայի տակ. տուժածի վիճակը ծանր է

Դեկտեմբերի 6-ին` ժամը 20.19-ին, տեղեկություն է ստացվել, որ Ճամբարակ-Դրախտիկ ավտոճանապարհին տեղի է ունեցել ՃՏՊ, կա տուժած. անհրաժեշտ է փրկարարների օգնությունը: Այս մասին տեղեկացնում են արտակարգ իրավիճակների նախարարությունից:

Դեպքի վայր է մեկնել մեկ մարտական հաշվարկ:

Պարզվել է, որ միջհամայնքային Հ-30 ավտոճանապարհի Ճամբարակ-Աղբերք հատվածում (3-րդ կմ) «ԿամԱԶ» մակնիշի 17 US 854 պետհամարանիշով բեռնատարը դուրս է եկել ճանապարհի երթևեկելի հատվածից և կողաշրջվել, ինչի հետևանքով վարորդը` 1972 թ. ծնված Վ. Գ.-ը հայտնվել է ավտոմեքենայի տակ:

Հրշեջ-փրկարարներն օժանդակ տեխնիկայի օգնությամբ դուրս են բերել Վ. Գ.-ին, ով հոսպիտալացվվել է Ճամբարակի ԲԿ:

Բժիշկները տուժածի առողջական վիճակը գնահատել են ծանր: