Կանադան Սիրիայից և Իրաքից 10 հազար փախստական կընդունի

 Tert.am-ը գրում է.

Կանադան աշխատում է 10 հազար փախստականների գրանցման գործընթացն արագացնելու համար. տեղեկացնում է gazeta.ru-ն:

Կանադայի ներգաղթի հարցերով նախարար Քրիս Ալեքսանդերը նշել է, որ Կանադան ինքն է ընդունելու որոշումը իր տարածքում փախստականներ ընդունելու վերաբերյալ և չի սպասելու ՄԱԿ-ի պաշտոնական որոշմանը:

Բացի այդ, իշխանություններն աշխատում են արագացնել փախստականի կարգավիճակ ստացած սիրիացիների ու իրաքցիների դիմումների ուսումնասիրման ընթացքը:

Նախարարը հավելել է, որ այս պահին քայլեր են ձեռնարկվում՝ հարկադիր տեղահանվածներին աշխատանքով ապահովելու ուղղությամբ:

Բոլոր այդ քայլերը կերաշխավորեն հազարավոր սիրիացի ու իրաքցի փախստականների մուտքը Կանադա՝ մինչև 2015 թվականի վերջը:

Ավելի վաղ հայտնի էր դարձել, որ Կանադան Մերձավոր Արևելքում փախստականների ճամբար հիմնելու ՄԱԿ-ի արտակարգ ծրագրին 75,4 մլն դոլար է տրամադրել: