Կառավարության հերթական ավանտյուրան

Slaq.am-ը ավելի վաղ անդրադարձել էր հիփոթեքային վարկավորման տոկոսների պետության փոխհատուցման ծրագրին և հրապարակել էինք «Պետությունը կվճարի ձեր հիփոթեքային վարկի տոկոսները» վերտառությամբ հոդված, որտեղ մանրամասն նկարագրվում էր, թե ինչպես է վարձու աշխատողի, նոտարի կամ անհատ ձեռներեցի եկամտահարկը փոխանցվում քաղաքացուն հիփոթեքային վարկի տոկոսները մարելու համար: Մեխանիզմն իրոք լավ է մշակված և ճիշտ հաշվարկված: Սակայն այս անգամ հարկ ենք համարում անդրադառնալ այդ ծրագրի քաղաքական մասին: Թե ինչու որոշվեց ներդնել այդ ծրագրիրը և հիմա:

Մենք չէին անդրադառնա այս խնդրին, եթե չպարզեինք, որ Հայաստանում հիփոթեքային վարկավորման գործարքները չեն աճել, չնայած նրան, որ ամեն տարի 10-ից ավել շենքեր են հանձնվում շահագործման: Slaq.am-ը կառավարության առընթեր անշարժ գույքի կադաստրի կոմիտեի հրապարկումներից տեղեկացավ, որ 2012 թվականին Հայաստանում իրականացվել է հիփոթեքային գրավադրման 1508 գործարք, որից 959-ը՝ Երևանում, ընդ որում գործարքների 82.8 %-ը իրականացվել է բազմաբնակարան բնակելի շենքերի բնակարնների նկատմամբ:

2013 թ-ին իրականացվել է 1895 գործարք, որից 1305ը՝ Երևանում, իսկ գործարքների 79.1 %-ն իրականացվել է բազմաբնակարան բնակելի շենքերի բնակարնների նկատմամբ: 2014 թվականին մեր երկրում իրականացվել է հիփոթեքային գրավադրման 1902 գոծարքներ, որից 1266-ը՝ Երևանում: Ընդ որում, հիփոթեքային գրավադրման գործարքների 80.2 %-ը իրականացվել է բազմաբնակարան բնակելի շենքերի բնակարանների նկատմամբ:

Մեզ չհաջողվեց պարզել, թե 2012, 2013 և 2014 թվականներին որքան բազմաբնակարան շենքեր են հանձնվել շահագործման, բայց առանց պաշտոնական թվերի էլ միայն 2014 թվականին Երևանում 10-ից շատ ավելի շենքեր են հանձնվել շահագործման, որոնց մի մասը պետական ծրագրով:

Ամբողջացնելով վերը նշվածը կարող ենք արձանագրել, որ ինչպես Երևանում այնպես էլ հանրապետության տարբեր քաղաքներում վերջին 3 տարիների թվերը հանրագումարի բերելով կարող ենք արձանագրել, որ հիփոթեքային վարկավորմամբ քաղաքացիների միջինը 80 տոկոսը ձեռք է բերել բնակարաններ բազմաբնակարան շենքերում, իսկ վերջին 3 տարիներին, հատկապես Երևանում, բազմաբնակարան շենքերի կառուցումը ահագնացող տեմպ է հավաքել:

Կարող ենք փաստել, որ առկա բնակարնների թվից հանելով կատարված գործարքների թիվը ստանում ենք բազմաթիվ բնակարաններ, որոնք չեն վաճառվել վերջին երեք տարիներին: Այսինքն շահագործման հանձնված և գնված բնակարանների հանրահաշվի արդյուքնում բազմաթիվ նորակառույց բնակարներ պարզապես «չեն գտել իրենց տերերին»:

Կառավարությունը փետրվարի 19-ի որոշմամբ հնարավորություն տվեց քաղաքացիներին բնակարան ձեռք բերել՝ խոստանալով թեթևացնել քաղաքացու բեռը, հայտնելով պատրաստակամություն տոկոսադրույքները մարելու մասով: Պետությունը, սակայն սահմանել է կարգ, որով քաղաքացին, եթե ցանկանում է բնակարան ունենալ այս տարբերակով, ապա պարտավոր է այն ձեռք բերել նորակառույց շենքում: Ֆինանսների փոխնախարար Վախթանգ Միրումյանն այս մասով հայտարարել էր, որ պետությունն ունի համապատասխան ծրագրեր, որտեղ նորակառույցները չեն դասվում միայն էլիտ դասի շենքեր, էկոնոմ կլասի շենքեր էլ կան: Այնուամենայնիվ նոր կարգը թույլ չի տալիս նոր պայմաններով բնակարան ձեռք բերել հին շենքերում:

մանրամասները` սկզբնաղբյուրում: