Կառավարությունը թող լուծում գտնի

Իշխանությունների պատճառով տուն չունենք, բայց մենք ուզում ենք հանրաքվեին մասնակցել և մեր խոսքը ասել: Fnews.am-ի հետ զրույցում ասաց Եկմալյան 4 շենքի խաբված բնակիչներից Դավթյան Սաթենիկը, ով դժգոհեց, որ իշխանությունների պատճառով իրենք առանց բնակարան են մնացել և գրանցում չունեն և չեն կարող մասնակցել դեկտեմեբրի 6-ին տեղի ունեցող հանրաքվեին: Տեղեկացնենք, որ Եկմալյան 4 շենքի բնակարանները 10 տարի առաջ գերակա շահ են ճանաչվել մասնավոր բազմաբնակարան շենքեր կառուցելու նպատակով, սակայն բնակիչները իրենց բնակարանների դիմաց փոխահատուցում չեն ստացել և այսօր ապրում են վարձով բնակարններում. «Եթե մեզ չխաբեին ու մեր բնակարանները մեր ձեռքից չխլեին, հաստատ մենք այսօր նման խնդրի համար ձեզ չէինք դիմի: Ընկել են սարուձոր նույնականացման քարտերի համար են պայքարում, որ էդ անտեր քարտեր ունեցողները մասնակցեն քվեարկությանը, իսկ մենք, որ տուն չունենք, գրանցում չունենք չենք ուզում մասնակցենք, մենք էլ ենք ուզում մասնակցել այդ քննարկմանը»,-ասաց քաղաքացիներից Նունե Լազարյանը:
«Մեզ ոչ մեկ իրենց տանը փաստացի չի տանի ու չի գրանցի, ինչի պետք է մեր ձայնը անտեսենք, ինչու իմ որոշիչ ձայնը չպետք է ասեմ: Կարևոր չի ես այո կասեմ, թե ոչ, կարևորն այն է, որ ես մասնակցեմ: Մենք չենք բացառում, որ մեզ օգնության ձեռք կմեկնեն ու հետո կասեն, որ պետք է այո ասենք, նման բան չի կարող լինել մենք կաշառակերներ չենք: Ես անձամբ ոչ թե այո եմ ասելու, կամ ոչ, այլ թերթիկի վրա գրելու եմ այլընտրանք: Թող իրենք գնան և մտածեն թե ես այդ իմ քայլով ինչ եմ ուզում ասած լինել»: Կինը առաջարկում է, որ իրենց՝ բնակիչների համար կառավարությունը մի լուծում գտնի և այնպես անի, որ իրենք էլ արտոնյալ կարգավիճակով մասնակցեն հանրաքվեին: