Կարող եմ գերեզմանում շուռ գալ, եթե Հայաստանում լինի մեկը, որ Արցախը հանձնի Ադրբեջանին. Սերժ Սարգսյան

Ես հակված չեմ մտածելու, որ այդ հարցի լուծումը թողնում ենք հաջորդ սերունդերին, «Շանթ» հեռուստաընկերության եթերում հայտարարեց ՀՀ վարչապետ Սերժ Սարգսյանը` պատասխանելով դիտարկմանը, որ հաջորդ սերնդին թողնում ենք Արցախի չլուծված հարցը:

«Գուցե էլի շահարկման առարկա դառնա, բայց փաստարկներից մեկը, որ ես այսօր վարչապետ եմ, դրա հետ է կապված: Բանակցային պրոցեսը պետք է շարունակվի, մենք մեր դիրքորոշումները չեն փոխելու Արցախի հարցում: Երբ դուք ասում եք «ուրիշ», ես մտահոգվում եմ, ուրիշ` այսինքն՝ ի՞նչ, Հայաստանում կարո՞ղ են գալ մարդիկ, ովքեր կհամաձայնեն Արցախը հանձնել Ադրբեջանին: Ինձ համար դա մի քիչ անհասկանալի է: Եթե հաջորդ սերունդների մասին է խոսքը գնում, ես կարող եմ գերեզմանում շուռ գալ այսպիսի բան լսելով», - ասաց Սարգսյանը:

Նա ընդգծեց, որ խնդիրը կարող է լուծվել, երբ ադրբեջանցիներն ազատվեն պատրանքներից, որ փոխզիջում նշանակում է զիջում միայն հայկական կողմից:

«Մենք այլ ճանապարհ չունենք: Եթե ունենայիք, առանց զիջումների ասեինք` ամբողջը մերն է և վերջ, միգուցե կարելի էր դրան գնալ, բայց չունենք այսպիսի ճանապարհ, դա խաղաղության ճանապարհը չի, խաղաղության ճանապարհը համաձայնության գալն է, իսկ դրա համար անհրաժեշտ է երկու կողմի կարծիքը», - ասաց նա:

Սարգսյանը նշեց, որ դաշնակից երկրների հետ աշխատանքը շատ կարևոր է, մինչդեռ առաջնային խնդիրը ՀՀ ԶՈՒ մարտունակության պահպանումն ու զարգացումն է:

ArmDay.am