Կոշ գյուղի մոտ ЗИЛ-ը կողաշրջվել է. գարեջրի շշերը թափվել են ճանապարհին՝ դարձնելով անանցանելի

Հոկտեմբերի 20-ին, ժամը 06.03-ին ՀՀ ՏԿԱԻՆ-ում ահազանգ է ստացվել, որ Արագածոտնի մարզի Կոշ գյուղի մոտակայքում տեղի է ունեցել ՃՏՊ:

"ԶԻԼ" մակնիշի ավտոմեքենան կողշրջվել է. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Երևան-Գյումրի ավտոճանապարհի 49-րդ կմ-ում` Կոշ գյուղի մոտակայքում, "ԶԻԼ" մակնիշի 34 QT 053 պետհամարանիշի ավտոմեքենան (վարորդ Վ. Հ.) դուրս է եկել ճանապարհի երթևեկելի հատվածից և կողաշրջվել, ինչի հետևանքով գարեջրի դատարկ շշերը (արկղերով) թափվել են ավտոճանապարհին՝ դարձնելով անանցանելի:

Ժամը 06.20-ի սահմաններում կողաշրջված "ԶԻԼ" մակնիշի ավտոմեքենային է բախվել "ԳԱԶ-2410" մակնիշի 34 AS 303 պետհամարանիշի ավտոմեքենան (վարորդ Ս. Ա.). տուժածներ չկան:

Ժամը 07.10-ի դրությամբ ճանապարհահատվածը դարձել է միակողմանի երթևեկելի:

Հրշեջ-փրկարարներն իրականացրել են ճանապարհի մաքրման աշխատանքներ, հոսանքազրկել ավտոմեքենաները և փակել գազի բալոնների փականները:

Դեպքի մասին կտրվի լրացուցիչ տեղեկատվություն: