Կրակոցներ եւ դանակահարություն Աջափնյակ համայնքում

Fnews.am-ին հասած տեղեկությունների  համաձայն, ժամեր առաջ Շիրազի փողոցում գազային ատրճանակից հնչել են կրակոցներ, որի արդյունքում ճշտվող տեղեկությունների համաձայն տուժողներից մեկին տեղափոխել են «ԱՐՄԵՆԻԱ» Հանրապետական Բժշկական կենտրոն: Տեղեկությունը ճշտելու  եւ այլ մանրամասներ  պարզելու համար, Fnews.am-ը փորձեց  մեկանաբանություն ստանալ Շտապօգնության՝ «1-03» ծառայությունից, որտեղից սկզբում մեզ փոխանցեցին, որ  Շիրազի փողոցից նմանատիպ ահազանգ են ստացել՝ չմանրամասնելով թե կոնկրետ ինչ ահազանգի մասին է խոսքը գնում,  որից հետո  լսափողը վերցրեց մի ուրիշ աշխատակից եւ փոխանցեց,  որ իրենք որեւէ տեղեկություն տրամադրել չեն կարող, եւ որ իրենց  աշխատակիցը առանց իմանալու պարզապես պատասխանել է հեռախոսազանգերին:

Լուրի իսկությունը պարզելու համար փորձեցինք կապ հաաստատել նաեւ «ԱՐՄԵՆԻԱ» Հանրապետական  բժշկական կենտրոնի հետ, որտեղից էլ մեզ տեղեկացրեցին, որ վերը նշված հասցեից  երկու ժամ  առաջ դանակահարության դեպք է գրանցվել,  իսկ երբ փորձեցինք ճշտել  վիրավորի անձի իսկությունն ու դեպքի մանրամասները,  լսափողը վերցրեց տեղում աշխատող քննիչն ու արձագանքեց. «Դուք արդեն խանգարում եք, մենք հիմա աշխատում ենք»: 

Այս  պահի դրությամբ դեռևս բացահայտված չէ, թե ինչ է տեղի ունեցել իրականում, և ովքեր են միջադեպի մասնակիցները: Իսկ  ոստիկանության աշխատակիցները դեպքի վայրում շարունակում են իրականացնել  օպերատիվ գործողություններ: 

Նոնա Ադամյան