Կրակոցներ Մալաթիայում. Տուժածը ծանր մարմնական վնասվածք է ստացել

Այսօր հերթական կրակոցներն են հնչել Մալաթիա-Սեբաստիա համայնքում, որի հետևանքով 39-ամյա տղամարդը ծանր մարմնական վնասվածքներ է ստացել որովայնի շրջանում և տեղափոխվել է ԲԿ:

«Փաստինֆո»-ի տեղեկություններով՝ տղամարդն արդեն ենթարկվել է վիրահատության:

ՀՀ Քննչական կոմիտեից տեղեկացրեցին, որ փաստի առթիվ հարուցվել է քրեական գործ՝ ՀՀ քրեական օրենսգրքի 2 հոդվածներով՝ 112-րդ և 235-րդ հոդվածների 1-ին մասերի հատկանիշներով:

Տուժածի ինքնությունը պարզ է, սակայն նա առայժմ ցուցմունք չի կարողացել տալ, ձեռնարկվում են միջոցներ՝ պարզելու, թե ինչ պայմաններում է նա ստացել հրազենային վիրավորում:

Կատարվում է քննություն: