«Լևադա».Պուտինի քննադատների թիվը Ռուսաստանում աճում է

Ըստ «Լևադա» կենտրոնի վերջին հարցումների, թեև Վլադիմիր Պուտինը մնում է Ռուսաստանում ամենամեծ ժողովրդականություն վայելող քաղաքական գործիչը, սակայն նրան քննադատողների թիվն աճել է։

Ըստ հարցումների, երկրի նախագահի գործունեությանը վստահում է հարցվածների 82 տոկոսը, թեև հարցված ռուսաստանցիների կեսից ավելին համարել է, որ Պուտինը մեղավոր է երկրում ծաղկող կոռուպցիայի և իշխանության չարաշահման համար։

Հարցին՝ չարաշահե՞լ է արդյոք Պուտինը իշխանությունը, հարցվածների 51 տոկոսը դրական են պատասխանել, 14 տոկոսի կարծիքով՝ միանշանակ չարաշահել է, 37 տոկոսն ասել են, որ հավանաբար չարաշահել է, և միայն 16 տոկոսն են ասել, որ չեն հավատում, թե Պուտինը երբևիցե չարաշահած լինի իշխանությունը։ Անցած տարի այս հարցին դրական էր պատասխանել հարցվածների 22 տոկոսը, այսինքն՝ 4 տոկոսով ավելին։

Անցած տարի դիտարկմանը, որ եթե նույնիսկ կոռուպցիայի մասին տեղեկությունները ճիշտ են, սակայն ավելի կարևոր է, որ Պուտինի օրոք երկիրը սկսել է լավ ապրել, արձագանքել էր հարցվածների 31 տոկոսը, այս տարի՝ ընդամենը 18 տոկոսը։

Հարցումները կենտրոնն անցկացրել է ապրիլի 22-25-ը, դրանց մասնակցել է 1600 ռուսաստանցի։

մանրամասն՝ այստեղ: