Լիսկայի եղբորը դուրս են գրել հոգեբուժարանից․ Նա ազատության մեջ է

Սյունիքի մարզպետ Սուրիկ Խաչատրյանի եղբայրը՝ Սեյրան Խաչատրյանը (Աղալար) ազատության մեջ է գտնվում։ Այս մասին Hraparak.am-ի հետ զրույցում տեղեկացրեց Սեյրան Խաչատրյանի շահերը պաշտպանող փաստաբան Արմեն Խաչատրյանը։ Սեյրան Խաչատրյանին տեղափոխվել էին հոգեբուժարան՝ սուր պսիխոզ ախտորոշմամբ:

Մարզպետի եղբոր «հոգեկան հիվանդությունը» հայտնաբերել էին այն բանից հետո, երբ հայտնի դարձավ, որ տեղի ունեցած ծեծի գործով վերահսկող դատախազը հրահանգել էր խստացնել Սեյրան Խաչատրյանի և նրա որդու՝ Էյներ Խաչատրյանի մեղադրանքը: Հիմա արդեն Սեյրան Խաչատրյանին մեղսունակ են ճանաչել և դուրս գրել հոգեբուժարանից։ «Դրսում է, ազատության մեջ է գտնվում։ Գործը դեռ նախաքննության մեջ է գտնվում»․- մեզ հետ զրույցում տեղեկացրեց Արմեն Խաչատրյանը։ Մեր այն հարցին, թե հետախուզման մեջ գտնվող Մայիս Խաչատրյանից որևէ նորություն կա՞, գտնվե՞լ է, թե՞ ոչ, Արմեն Խաչատրյանը պատասխանեց, որ որքանով իրեն հայտնի է, չեն գտել։

մանրամասն՝hraparak.am-ում: