ԼՂ հակամարտության խաղաղ կարգավորումը հնարավոր է. Ջեյմս Ուորլիք

ԵԱՀԿ համանախագահ Ջեյմս Ուորլիքը ռուսական «Դոժդ» հեռուստաընկերությանը տված հարցազրույցում հայտարարել է, թե ինչքան կարևոր են Մոսկվայի, Վաշինգտոնի և Փարիզի համագործակցությունը Ղարաբաղյան հակամարտության խնդրի կարգավորման հարցում:

-Ինչքան ես հասկանում եմ, Դուք Լեռնային Ղարաբաղի հակամարտության հարցով արդեն երկու տարի է աշխատում եք: Արդյոք կան հակամարտության կարգավորման ուղիներ: Միգուցե այսօր չէ, ոչ էլ մեկ տարի անց, սակայն հնարավոր են այդ հակամարտության կարգավորումը, թե բոլոր փորձերը ապարդյուն են:

Ուորլիք. Առաջին հերթին ես ուզում եմ շնորհակալություն հայտնել հարցազրույցի համար: Ես ապրել եմ Մոսկվայում 2001-2003 թթ. և ինձ շատ դուր է եկել: Այո, ես զբաղվում եմ Լեռնային Ղարաբաղով որպես ճգնաժամային կետերից մեկով 2013 թվականի ամռանից: Ես Ձեր հարցին կրճատ կպատասխանեմ՝ այո', հակամարտության խաղաղ կարգավորումը հնարավոր է, և մենք բոլորս ձգտում ենք դրան: Այսօր Վաշինգտոնը, Մոսկվան և Փարիզը հնարավորություն ունեն դառնալ միջնորդ հակամարտության կարգավորման հարցում: Դա է մեր խնդիրը:

-Կարող եք պատմել մի քանի նախադասությունով, ինչ է փոխել այս երկու տարիների ընթացքում, ինչ Դուք աշխատում եք:

Ուորլիք. Իհարկե: Չորս անգամ կայացել է Հայաստանի և Ադրբեջանի նախագահների հանդիպումները: Նրանք հանդիպել են 2013 թվականին Վենայում և համաձայնվել, որ ցանկանում են հարաբերությունները զարգացնել խաղաղ ձևով: Վենայից հետո նախագահները հանդիպել են ևս երեք անգամ՝ սկզբում Սոչիում նախագահ Պուտինի հրավերով, ապա նրանց հրավիրել էր ԱՄՆ պետքարտուղար Քերին Ուելսում, և վերջերս Ֆրանսիայի նախագահ Ֆրանսուա Օլանդը հրավիրել էր նրանց Փարիզ: Այժմ մենք աշխատում ենք, որպեսզի ևս մեկ հանդիպում կայանա:

-Գոյություն ունի, այսես կոչված մադրիդյան սկզբունքներ: Առաջնորդվում եք Դուք մինչ օրս այդ սկզունքներով: Քանի որ մի քանիսը քննադատում են Ձեզ, որ Դուք շեղվել եք դրանցից: Արդյո՞ք Դուք կարծում եք, որ այդ սկզբունքները՝ հակամարտության կարգավորման ուղիները գտնելու մեջ ոչ այդքան արդյունավետ են:

Ուորլիք. Մադրիդյան սկզբունքները՝ հակամարտությունների խաղաղ կարգավորման հիմքն են: Նրանք հիմք էին հանդիսանում դեռ նախագահ Մեդվեդևի օրոք, երբ նրա ակտիվ բանակցությունները օգնեցին համաձայնության գալ Կազանում: Այդ սկզբունքների բաղադրիչները անփոփոխ են մնացել, ապագայում նրանք դառնալու են համապարփակ համաձայնության հիմք: