Մալազիայի նախկին վարչապետի դստերը մեղադրել են 2,4 մլն դոլարի հարկ չվճարելու համար

Մալազիայի հարկային մարմինները մեղադրել են նախկին վարչապետ Նաջիբ Ռազակի դստերը մոտ 2,4 մլն դոլար հարկեր չվճարելու համար, գրում է ՏԱՍՍ-ը՝ հղում կատարելով The Straits Times-ին։

Հուլիսի վերջին Ներքին եկամուտների վարչությունը դատական հայց է ներկայացրել 31-ամյա Նուրիանա Նաջիբի դեմ, որը մեղադրվում է եկամուտները թաքցնելու եւ 2011-2017 թվականներին հարկերը չվճարելու համար։ Պարբերականի տեղեկատվությամբ՝ առաջին դատական լսումներն այս գործով նախատեսված են սեպտեմբերի 12-ին։