Մարդիկ, ովքեր փորձել են սպանել Ադոլֆ Հիտլերին (լուսանկարներ)

Tert.am-y գրում է .
Ադոլֆ Հիտլերը նացիզմի հիմնադիրն է, ով մի շարք գաղափարախոսություններ էր մտցրել, որոնք հետագայում հանդիսացան միլիոնավոր մարդկանց մահվան, ինչպես նաև Երկրորդ համաշխարհային պատերազմի պատճառ:

Հիտլերի որոշումները չէին քննարկվում, այլ ընկալվում էին որպես հրաման, իսկ 1934 թվականից սկսած՝ կառավարությունը չէր հավաքվում նստաշրջանի:

Ժամանակի ընթացքում արմատավորվում էր Հիտլերի պաշտամունքը: Նացիստական կուսակցության անդամները պարտավոր էին տանն ունենալ ֆյուրերի լուսանկարը:
Մյուս հիմնարար սկզբունքը ռա­սայական տեսությունն էր: Նացիստ­ների կարծիքով՝ գոյություն ուներ երեք ռասա` բարձր, ոչ լիարժեք և ցածր: Այդ տեսությունից բխում էր, որ «ցածրագույն ռասաները» ներ­կայացնող ժողովուրդները պետք է ոչնչացվեին, իսկ ոչ լիարժեք ռասա­ները՝ ենթարկվեին արիացիներին:

Ըստ Հիտլերի՝ ռասաների միջև պայ­քարում հաղթում է ուժեղը: Ուժի պաշ­տամունքը միահյուսվում էր «կենսա­կան տարածքների» գաղափարի հետ: Այդ գաղափարի էությունը հետևյալն էր. Գերմանիան գերբնակեցված է ու չի կարող ինքն իրեն կերակրել: Խնդրի լուծում կարող է լինել միայն կենսա­կան տարածքի ընդլայնումը: Հատուկ ուշադրություն էր դարձ­վում քարոզչությանն ու գրաքննու­թյանը:

Նման ճնշող հասարակարգ ստեղծող միապետի դեմ պատմության մեջ նրան կանգնեցնելու փորձ անողներ են եղել:

Յոհան Էլզեր

Նրանցից մեկը Յոհան Գեորգ Էլզերն էր, ով գտնում էր, որ Գերմանիային դեպի պատերազմ տանող առաջնորդին պետք է կանգնեցնել, բացի այդ՝  չէր ընդունում, որ Հիտլերը դուրս էր եկել աշխատավորների միության դեմ: Այդ պատճառով նա 1939-ի նոյեմբերի 8-ին մահափորձ է արել Հիտլերի դեմ, սակայն՝ ապարդյուն, քանի որ այն ժամանակ, երբ իր ստեղծած ռումբը պայթել է սրահում, Հիտլերը նախատեսվածից շուտ է ավարտել իր ելույթը և արդեն ուղևորվելիս է եղել Բեռլին: Չնայած դրան՝ նրան ձերբակալել են Շվեյցարիայի սահմանին և բանտարկել:

Հենինգ ֆոն Տրեսկով

Գեներալ Տրեսկովն իր ընկերոջ հետ հատուկ Հիտլերին սպանելու նպատակով պատրաստել և ֆյուրերի օդանավում է տեղադրել պայթուցիկ սարք, որի ներսում գտնվող նյութերը սառել են, երբ օդանավը հայտնվել է երկնքում: Արդյունքում՝ պայթուցիկը հնարավոր չի եղել գործարկել:

Ռուդոլֆ Քրիստոֆ Ֆրայհեր ֆոն Գերսդորֆ

Հենինգ ֆոն Տրեսկովը ֆոն Գերսդորֆին մի բաճկոն էր տվել, որը պետք է պայթեր դրա գործարկումից 10 րոպե անց: Ի սկզբանե պլանավորված է եղել, որ նա մոտենա Հիտլերին, երբ վերջինս Բեռլինի Ցոյգհաուս թանգարան այցելի և գրկախառնության ընթացքում սպանի ֆյուրերին: Չնայած հիանալի պլանին՝ Հիտլերը թանգարանից հեռացել է 8 րոպե անց, այլ ոչ 10, այդ պատճառով ֆոն Գերսդորֆը ստիպված չեղարկել է առաքելությունը:

Հելմուտ Ստիֆ

Հելմուտ Ստիֆը պայթուցիկ է տեղադրել այն այգում, որտեղ Հիտլերն իր շան հետ դուրս էր գալիս զբոսանքի: Նա պայթուցիկը տեղադրել է զբոսայգու հարևանությամբ գտնվող աշտարակում, որը պայթելուց հետո վնաս է հասցրել ամբողջ այգուն, բացի Հիտլերից: Նրան հետագայում մահապատժի են ենթարկել Հիտլերի նկատմամբ մեկ այլ մահափորձի համար:

Ադոլֆ Հիտլեր

Ադոլֆ Հիտլերը գերմանացի քաղաքական գործիչ էր, հանդիսացել է նացիոնալ-սոցիալիզմի հիմնադիրներից մեկը, նացիոնալ-սոցիալիստական կուսակցության առաջնորդը, Գերմանիայի կանցլերը (1933-1945թթ):