Մայրիկին խնամող 13-ամյա Ալինան մեր օգնության կարիքն ունի

Նկարում պատկերված աղջիկը 13-ամյա Ալինան է, ով թվում է թե պետք է վայելի անհոգ մանկությունը, սակայն ճակատագրի բերումով ինքնուրույն խնամում է հաշմանդամ մայրիկին, ով այս պահին նույնիսկ շարժվելու, ազատ խոսելու հնարավորություն չունի: Մայրիկի մոտ սրտի արատ կա, թոքերի միջնապատի վրա անցք, լյարդի ցեռոզ, հիմա երբ պառկում է, սկսում է խեղդվել, քանի որ կոկորդը հեղուկով է լցվում, այդ իսկ պատճառով ամբողջ ժամանակը նստած է անցկացնում և չի շարժվում: Ալինան է տան ողջ հոգսը հոգում՝ մաքրում, լվանում, մայրիկի խնամքով զբաղվում, եփում և այլն: Այս ընտանիքը գոյատևում է ընդամենը 17,000 դրամ հաշմանդամության թոշակով, որը բնականաբար ոչնչի չի բավականացնում: Բարեկամները և հարևաններն են ժամանակ առ ժամանակ իրենց տան սնունդից բաժին հատկացնում նրանց: Ալինան, թեև իր ուսերին է կրում մեծ ու ծանր հոգս, որը նույնիսկ չափահասներին է դժվար կրել, այնուամենայնիվ ունի փոքրիկ երազանքներ՝ ցանկանում է համակարգիչ կամ պլանշետ ունենալ, թիթիզ շորիկներ, կոշիկներ՝ 34-35 համարի, դպրոցական պարագաներ, գրենական պիտույքներ, դպրոցական համազգեստ, քանի որ սիրում է սովորել, ուզում է ամեն ինչ ունենալ, ինչպես և բոլոր երեխաները, սիրում է համեղ ու քաղցր բաներ ուտել, հեծանիվ է ուզում ունենալ )))) Ընկերներ ջան, այս ընտանիքին այցելելու ենք այս կիրակի, հավաքում ենք այն ամենը, ինչը կարող է գոնե առժամանակ թեթևացնել փոքրիկ Ալինայի հոգսը՝ սնունդ ցանկացած տեսակի, հագուստ և կոշիկներ, հիգիենայի պարագաներ, տնտեսական ապրանքներ՝ մաքրող-լվացող միջոցներ, մայրիկի համար դեղեր՝ SOLPADEIN և DIKLOFENAK-ALFA 25մգ, 2,5%, քաղցրավենիք, խաղեր Ալինայի համար, զբաղմունքի միջոցներ և այլն: Կարծում եմ այս դժվար պահին պետք է լինենք փոքրիկի կողքին, նա պետք է հասկանա, որ ՄԵՆԱԿ ՉԷ և կան շատ ու շատ մարդիկ, ովքեր պատրաստ են նրա հետ կիսել կյանքի այդ ծանր պահը և աջակցեն: Հարցերի կամ առաջարկների դեպքում խնդրում եմ կապ հաստատել անձնական նամակով: Շնորհակալություն:

Գրառումը`  Օգնենք կարիքավոր ընտանիքներին ֆեյսբուքյան էջից